ରେଳ ଷ୍ଟେସନରେ ଦଳାଚକଟା

ଦୀପାବଳୀ ଅବସରରେ ଘରକୁ ଯିବାକୁ ମୁମ୍ବାଇ ବାନ୍ଦ୍ର ରେଳ ଷ୍ଟେସନରେ ପ୍ରବଳ ଭିଡ଼ ଯୋଗୁଁ ଦଳାଚକଟା ସ୍ଥିତି । ଫଳରେ 7 ଜଣ ଆହତ ହେବା ସହ 2 ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ଏଭଳି ଘଟଣା ଆଜି ସକାଳ ପାଖାପାଖି 5 ଟା 56 ମିନିଟ ସମୟରେ ଘଟିଥିବା ଜଣାପଡ଼ିଛି । ସୂଚନା ଅନୁସାରେ ଦୀପାବଳୀ ପାଇଁ ଲୋକ ଷ୍ଟେସନରେ ଭିଡ଼ ଜମାଇଥିବାବେଳେ ହଠାତ ଭିଡ଼ ଅସମ୍ଭାଳ ହୋଇପଡ଼ିଥିଲା । ଫଳରେ ଯାତ୍ରୀଙ୍କ ମଧ୍ୟରେ ଦଳାଚକଟା ସ୍ଥିତି ଉପୁଜିଥିଲା । ବାନ୍ଦ୍ର ଷ୍ଟେସନ 1 ନମ୍ବର ପ୍ଲାଟଫର୍ମରେ ଏଭଳି ଅଘଟଣ ଘଟିଛି ।