ମହେନ୍ଦ୍ର ସିଂହ ଧୋନି ଏଥର ଖେଳିବେ କି ନାହିଁ । ତାହାକୁ ନେଇ ପ୍ରଶଂସକମାନେ ଅପେକ୍ଷା କରିଛନ୍ତି । କଣ କହିବେ ଧୋନି । ଆନ୍ତର୍ଜାତୀୟ କ୍ରିକେଟରୁ ଅବସର ନେଇସାରିଛନ୍ତି । କିନ୍ତୁ ଆଇପିଏଲର ଭବିଷ୍ୟତ ବିଷୟରେ କିଛି ସ୍ପଷ୍ଟ କରିନାହାଁନ୍ତି ଧୋନି । 2025 ସଂସ୍କରଣ ପାଇଁ ନିଲାମ ଓ ଖେଳାଳି ରଖିବା ପ୍ରକ୍ରିୟା ଖୁବଶୀଘ୍ର ଆରମ୍ଭ ହେବାକୁ ଯାଉଛି ।
ନିଷ୍ପତ୍ତି ନେବା ପୂର୍ବରୁ ନିୟମରେ କଣ ପରିବର୍ତନ ହେଉଛି ତାହା ଉପରେ ତାଙ୍କ ଭବିଷ୍ୟତ ନିର୍ଭର କରିବ ବୋଲି ଏକ ସାକ୍ଷାତକାରରେ କହିଥିଲେ ଧୋନି । ଏବେ ନୂଆ ନିୟମ ଆସିପାରିଥିବା ବେଳେ ଧୋନି ଆଇପିଏଲ 2025- ଖେଳିବେ କି ନାହିଁ ସେ ନେଇ ଚର୍ଚ୍ଚା ଆରମ୍ଭ ହୋଇଛି ।
ଏନେଇ ଅକ୍ଟୋବର 31ରେ ନିଷ୍ପତ୍ତି ଶୁଣାଇବେ ବୋଲି କହିଛନ୍ତି ଚେନ୍ନାଇ ସୁପର କିଙ୍ଗ୍ସର ସିଇଓ କାସି ବିଶ୍ବନାଥନ । ସେ କହିଛନ୍ତି ଧୋନି ସିଏସକେ ପାଇଁ ଖେଳନ୍ତୁ ବୋଲି ଆମେ ମଧ୍ୟ ଚାହୁଁଛୁ । କିନ୍ତୁ ଧୋନି ଖେଳିବେ କି ନାହିଁ ଏପର୍ଯ୍ୟନ୍ତ ଆମକୁ ନିଶ୍ଚିତ କରିନାହିଁନ୍ତି ।
ତେବେ ଅଗଷ୍ଟରେ ହାଇଦ୍ରାବାଦରେ ଏକ ଇଭେଣ୍ଟରେ ଯୋଗ ଦେବା ଅବସରରେ ଧୋନି କହିଥିଲେ ନିଷ୍ପତ୍ତି ନେବା ପାଇଁ ଏବେ ତାଙ୍କ ପାଖରେ ବହୁତ ସମୟ ରହିଛି । କଣ ନୂଆ ନିୟମ ହେଉଛି ତାହା ଦେଖିବାକୁ ପଡ଼ିବ ଏବେ ବଲ ଆମ କୋର୍ଟରେ ନାହିଁ ।
