ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଏକ ବଡ଼ ଘୋଷଣା କରିଛନ୍ତି । ହମାସର ନେତା ୟାହିୟା ସିନଓ୍ବାରଙ୍କ ହତ୍ୟା ପରେ ସେ ଗାଜାବାସୀଙ୍କୁ ସମ୍ବାଧିତ କରିଥିଲେ ଏହି ସମୟରେ ନେତାନ୍ୟାହୁ କହିଛନ୍ତି ଯେ ଯଦି ହମାସ ଇସ୍ରାଏଲର ବନ୍ଧକମାନଙ୍କୁ ଫେରାଇ ଆଣିବାକୁ ଏବଂ ଅସ୍ତଶସ୍ତ୍ର ରଖିବାକୁ ରାଜି ହୁଏ, ତେବେ ଆସନ୍ତାକଲି ଯୁଦ୍ଧ ଶେଷ ହେବ । ଏବେ ଦେଖିବାକୁ ବାକି ରହିଲା ହମାସ ବେଞ୍ଜାମିନ ନେତାତ୍ୟାହୁଙ୍କ ପ୍ରସ୍ତାବକୁ ଗ୍ରହଣ କରୁଛନ୍ତି କି ନାହିଁ ।
ସୂଚନାଯୋଗ୍ୟ, ୧୭ ଅକ୍ଟୋବରରେ ୟାହିୟା ସିନୱାରଙ୍କୁ ଇସ୍ରାଏଲ ସେନା ଦ୍ୱାରା ହତ୍ୟା କରାଯାଇଥିଲା । ଗତ ବର୍ଷ ଅକ୍ଟୋବର ୭ରେ ଇସ୍ରାଏଲ ଉପରେ ହୋଇଥିବା ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ଥିଲେ ସିନୱାର। ଠିକ ଗୋଟିଏ ବର୍ଷ ଏବଂ ୧୦ ଦିନ ପରେ ଇସ୍ରାଏଲ ସିନୱାରଙ୍କୁ ହତ୍ୟା କଲା । ତାଙ୍କ ସହ ଅନ୍ୟ ଦୁଇ ଆତଙ୍କବାଦୀଙ୍କୁ ମଧ୍ୟ ହତ୍ୟା କରାଯାଇଛି।ତାଙ୍କ ଅଫିସିଆଲ ଏକ୍ସ ଆକାଉଣ୍ଟରେ ଏକ ଭିଡିଓ ବାର୍ତ୍ତାରେ ବେଞ୍ଜାମିନ ନେତାନ୍ୟାହୁ କହିଛନ୍ତି ଯେ ୟାହିୟା ସିନୱାରଙ୍କ ମୃତ୍ୟୁ ହୋଇଛି। ସାହସୀ ଇସ୍ରାଏଲ ସେନାମାନେ ତାଙ୍କୁ ରାଫାରେ ହତ୍ୟା କରିଛନ୍ତି। ତେବେ ଏହା ଗାଜାରେ ଯୁଦ୍ଧର ସମାପ୍ତ ନୁହେଁ। କିନ୍ତୁ ଏହା ନିଶ୍ଚିତ ଭାବରେ ଏକ ଆରମ୍ଭ। ଗାଜାବାସୀଙ୍କୁ ମୋର ପ୍ରତ୍ୟକ୍ଷ ବାର୍ତ୍ତା ହେଉଛି ଆସନ୍ତାକାଲି ଯୁଦ୍ଧ ଶେଷ ହୋଇପାରେ, କିନ୍ତୁ ଯଦି ହମାସ ଅସ୍ତ୍ରଶସ୍ତ୍ର ରଖିବ ତେବେ ଏହା ଶେଷ ହେବ। ଇସ୍ରାଏଲ ବନ୍ଧକମାନଙ୍କୁ ଫେରସ୍ତ କର।
ନେତାନ୍ୟାହୁ ସୂଚନା ଦେଇଛନ୍ତି, ହମାସ ଗାଜାରେ ୧୦୧ଜଣଙ୍କୁ ବନ୍ଧକ ରଖିଛନ୍ତି। ଏଥିରେ ଇସ୍ରାଏଲ ସମେତ ୨୩ ଟି ଦେଶର ନାଗରିକ ଅଛନ୍ତି। ଇସ୍ରାଏଲ ସମସ୍ତଙ୍କୁ ଫେରାଇ ଆଣିବାକୁ ପ୍ରତିଶ୍ରୁତିବଦ୍ଧ। ସେ ଆହୁରି ମଧ୍ୟ କହିଛନ୍ତି . ଯେଉଁମାନେ ବନ୍ଧକଙ୍କୁ ଫେରାଇ ଦିଅନ୍ତି ସେମାନଙ୍କ ସୁରକ୍ଷା ପାଇଁ ଇସ୍ରାଏଲ ନିଶ୍ଚିତ କରିଥାଏ।
