ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବହୁ ପ୍ରତିକ୍ଷିତ ଦକ୍ଷିଣ ଭାରତୀୟ ଫିଲ୍ମ ପୁଷ୍ପା 2 ଦି ରୁଲ୍ ର ନୂଆ ପୋଷ୍ଟର ରିଲିଜ ହୋଇଛି । ଏହି ପୋଷ୍ଟର ପୁଣି ଥିରେ ପ୍ରଶଂସକଙ୍କ ଖୁସିକୁ ଦ୍ବିଗୁଣ ବଢାଇଛି । ନୂଆ ପୋଷ୍ଟରରେ ଅଭିନେତା ଅଲ୍ଲୁ ଅର୍ଜ୍ଜୁନ ନିଜର ସିଗନେଚର ପୁଷ୍ପା ଲୁକରେ ନଜର ଆସିଛନ୍ତି ।
ପୋଷ୍ଟର ସହ ଫିଲ୍ମ ରିଲିଜକୁ ନେଇ ମଧ୍ୟ ନୂଆ ତଥ୍ୟ ସାମ୍ନାକୁ ଆସିଛି । ନୂଆ ପୋଷ୍ଟରରେ ଅଲ୍ଲୁ ଅର୍ଜ୍ଜୁନ ନିଜର ପୁଷ୍ପା ଲୁକରେ ଖୁବ ଗମ୍ଭୀର ବିଦ୍ରୋହୀ ଓ ଭରପୁର ଆତ୍ମବିଶ୍ୱାସ ସହ ବସିଥିବା ଦେଖାଯାଉଛନ୍ତି ।
ସୁକୁମାରଙ୍କ ସୁକୁମାରଙ୍କ ନିର୍ଦ୍ଦେଶିତ ଏହି ଫିଲ୍ମ ନିଜର ସ୍ଥିର କରାଯାଇଥିବା ତାରିଖ ଅର୍ଥାତ୍ ୬ ଡିସେମ୍ବର ୨୦୨୪ରେ ରିଲିଜ୍ ହେବାକୁ ଯାଉଛି । ଦର୍ଶକ ପୋଷ୍ଟରକୁ ଦେଖି ଖୁବ୍ ଉତ୍ସାହିତ ହୋଇଛନ୍ତି । ପୋଷ୍ଟର ଦେଖି ପ୍ରଶଂସକ କହିଛନ୍ତି, ପୁଷ୍ପା ନାମ ହିଁ କେବଳ ଯଥେଷ୍ଟ । ବକ୍ସ ଅଫିସ୍ରେ ହଇଚଇ ସୃଷ୍ଟି କରିବ ।
ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା -ପାର୍ଟ୧କୁ ଦର୍ଶକଙ୍କ ଖୁବ୍ ଭଲପାଇବା ମିଳିଥିଲା । ପୁଷ୍ପାର ଲୋକପ୍ରିୟତା ଦେଖି ଅଲ୍ଲୁ ଅର୍ଜୁନଙ୍କ ପ୍ରଶଂସକମାନେ ଉତ୍ସାହର ସହିତ ଫିଲ୍ମର ପାର୍ଟ ୨କୁ ଅପେକ୍ଷା କରିଛନ୍ତିା
ସୂଚନାଯୋଗ୍ୟ ‘ପୁଷ୍ପା ୨ ଦି ରୁଲ୍’ ପ୍ରାୟ ୫୦୦ କୋଟି ଟଙ୍କା ବଜେଟରେ ପ୍ରସ୍ତୁତ କରାଯାଉଛି ଏବଂ ଅଲ୍ଲୁ ଅର୍ଜୁନ, ରଶ୍ମିକା ମନ୍ଦାନା ମୁଖ୍ୟ ଭୂମିକାରେ ଅଛନ୍ତି। ଚଳିତ ବର୍ଷ ରିଲିଜ୍ ହେବାକୁ ଥିବା ଏହା ହେଉଛି ସବୁଠାରୁ ବଡ ଚଳଚ୍ଚିତ୍ର ବୋଲି ଆଶା କରାଯାଉଛିା ଫରଦ ଫାସିଲ , ଶ୍ରୀତେଜ, ବିଜୟ ସେତୁପତି, ଏବଂ ଅନସୁୟା ଭରଦ୍ୱାଜ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
