ଭାରତର ବ୍ୟାଟିଂ ବିପର୍ଯ୍ୟୟ । ନ୍ୟୁଜିଲ୍ୟାଣ୍ଡ ବିପକ୍ଷ ପ୍ରଥମ ଟେଷ୍ଟରେ ମାତ୍ର 46 ରନରେ ଅଲଆଉଟ ହେଲେ ଟିମ ଇଣ୍ଡିଆ । ଖାତା ଖୋଲିପାରିଲେନି 5 ବ୍ୟାଟରା ବର୍ଷା ପରେ ମାଟ ହେନରୀ ଓ ଓ୍ବିଲିୟମ ଓରୁରକେ ଘାତକ ବୋଲିଂରେ ଧରାଶାୟୀ ଟିମ ଇଣ୍ଡିଆ ବେଙ୍ଗାଲୁରରେ ଟିମ ଇଣ୍ଡିଆ ଦୟନୀୟ ପ୍ରଦର୍ଶନ ଦେଖିବାକୁ ମିଳିଛି । କିଓ୍ବି ଫାଷ୍ଟ ବୋଲରଙ୍କୁ ଖେଳିବାରେ ଅସମର୍ଥ ହୋଇଛନ୍ତି ଟିମ ଇଣ୍ଡିଆର ବ୍ୟାଟର । ମାତ୍ର 46 ରନରେ ଅଲ ଆଉଟ ହୋଇଯାଇଛି ଟିମ ଇଣ୍ଡିଆ । 5 ଜଣ ଖେଳାଳି ଶୂନରେ ଆଉଟ ହୋଇଛନ୍ତି । ବିରାଟ କୋହଲି , ସର୍ଫରାଜ ଖାନ , ଲୋକେଶ ରାହୁଲ ,ରବିନ୍ଦ୍ର ଜଡ଼େଜା ଓ ରବିଚନ୍ଦ୍ରନ ଅଶ୍ବିନଙ୍କ ବ୍ୟାଟରୁ ରନ ଆସିନଥିଲା । ବର୍ଷା ଯୋଗୁଁ ପ୍ରଥମ ଦିନ ଖେଳ ହୋଇନଥିବା ବେଳେ ଦ୍ବିତୀୟ ଦିନରେ ନ୍ୟୁଜିଲାଣ୍ଡରେ ବୋଲରଙ୍କ ଆଗରେ ପିଚରେ ତିଷ୍ଠି ପାରିନଥିଲେ ଭାରତୀୟ ବ୍ୟାଟର । ମ୍ୟାଟ ହେନେରି ୫ଟି ୱିକେଟ ଓ ଓରୁରକେଙ୍କୁ ମିଳିଥିଲା ୪ ଟି ୱିକେଟ । ୱିକେଟକିପର ରିଷଭ ପନ୍ଥଙ୍କ ବ୍ୟାଟରୁ ଆସିଥିଲା ସର୍ବାଧିକ ୨୦ ରନ । ଆଡିଲେଡ ଟେଷ୍ଟରେ ଅଷ୍ଟ୍ରେଲିଆ ବିପକ୍ଷରେ ଭାରତ ୩୬ରନରେ ଅଲ-ଆଉଟ ହୋଇଥିଲା ଆଉ ଏବେ ପୁଣି ଥରେ କମ ସ୍କୋରରେ ଅଲ-ଆଉଟ ହୋଇଛି ଟିମ ଇଣ୍ଡିଆ ।
