ମାତ୍ର 48 ଘଣ୍ଟା ମଧ୍ୟରେ 12 ବିମାନକୁ ବୋମା ଧମକ ଦେଇ ପୁରା ଦେଶକୁ ଦୋହଲାଇ ଦେବା ଘଟଣାରେ ପୁଲିସକୁ ମିଳିଛି ବଡ଼ ସଫଳତା । ଏପରି ବୋମା ଧମକ ପଛରେ ଥିବା ନାବାଳକଙ୍କୁ ଶେଷଣେ ପୁଲିସ ଧରିବାକୁ ସକ୍ଷମ ହୋଇଛି । ଛତିଶଗଡ଼ରେ ଏହି ନାବାଳକୁ ଧରିଛି ମୁମ୍ବାଇ ପୋଲିସ । ନାବାଳକକୁ ପୁଲିସ ହେପାଜତକୁ ନେବା ପରେ ସୁଧାର ଗୃହକୁ ପଠାଇ ଦେଇଛି ।
ନାବଳାକ ଜଣକ ଏକ୍ସରେ ନିଜ ସାଙ୍ଗ ପାଁରେ ଗୋଟିଏ ଆକାଉଣ୍ଟ ଖୋଲିଥିଲେ । ଏହାପରେ ବୋମା ଧମକ ଏହି ଆକାଉଣ୍ଟରେ ପୋଷ୍ଟ କରିଥିଲା । ସାଙ୍ଗ ସହ ବିବାଦ ସୃଷ୍ଟି ହୋଇଥିବାରୁ ତାକୁ ଫସାଇବା ପାଇଁ ସେ ଏପରି କରିଥିଲା । ଏବେ ପୁଲିସ ଏହାର ଅଧିକ ତଦନ୍ତ କରୁଛି । ବାରମ୍ବାର ବୋମା ଧମକ ମିଳିବା ପରେ ପୂରା ଦେଶରେ ହଇଚଇ ସୃଷ୍ଟି ହୋଇଛି । ଧମକ ଘଟଣାରେ ଦିଲ୍ଲୀ ପୁଲିସ ମଧ୍ୟ 6ଟି ମାମଲା ରୁଜୁ କରିଥିଲା । ତେବେ ବାରମ୍ବାର ଏଭଳି ଘଟଣା ଘଟୁଥିବାରୁ ବୁଧବାର ସରକାର ଏହାର ସମୀକ୍ଷା ପାଇଁ ଉଚ୍ଚସ୍ତରୀୟ ବୈଠକ କରିଛନ୍ତି । ବେସାମରିକ ବିମାନ ଚଳାଚଳ ମନ୍ତ୍ରାଳୟ ଡକାଇଥିବା ବୈଠକରେ ଡିଜିସିଏ, ସିଆଇଏସଏଫ, ବିସିଏଏସ, ଏଏଆଇ ଅଧିକାରୀ ଯୋଗ ଦେଇଥିଲେ। ଗତ ୩ଦିନରେ ମଧ୍ୟରେ ୧୨ଟି ବିମାନକୁ ଧମକପୂର୍ଣ୍ଣ କଲ ଓ ଇମେଲ ଆସିବା ପରେସରକାର ଚିନ୍ତାରେ । ସବୁଠୁ ବଡ କଥା ହେଲା ଏହି ଧମକ କେବଳ ଭାରତରୁ ନୁହେଁ ବିଦେଶରୁ ମଧ୍ୟ ଆସୁଛି ।
