ରାଉରକେଲା ନିକଟ ବନ୍ଧମୁଣ୍ଡାରେ ଟ୍ରେନରେ କଟି ଛୁଆ ହାତୀର ମୃତ୍ୟୁ । ଲୋକେ ହାତୀ ଘଉଡ଼ାଇବାରୁ ଘଟିଲା ଏଭଳି ଦୁର୍ଘଟଣା । ଗୋଟିଏ ଛୁଆ ହାତୀର ମୃତ୍ୟୁ ହୋଇଥିବା ବେଳେ ଅନ୍ୟ ଏକ ହାତୀ ଆହତ ହୋଇଛି । ଦୁର୍ଘଟଣାର ଭିଡ଼ିଓ ମଧ୍ୟ ସାମ୍ନାକୁ ଆସିଛି ।
ଲୋକମାନେ ହାତୀ ଘଉଡ଼ାଇବା ସମୟରେ ଏଭଳି ଦୁର୍ଘଟଣା ଘଟିଥିବା ଦେଖିବାକୁ ମିଳିଛି । ଲୋକେ ହାତୀ ପଲକୁ ଟ୍ରେନ ଲାଇନ ଆଡ଼କୁ ଘଉଡ଼ାଉଥିବା ଦେଖିବାକୁ ମିଳିଛି । ଏହି ସମୟରେ ହାତୀ ପଲକୁ ଧକ୍କା ଦେଇଥିଲା ଟ୍ରେନ । ଲୋକଙ୍କ ଏହି ଭୁଲ ପାଇଁ ଅକାଳରେ ଚାଲିଯାଇଛି ଗୋଟିଏ ଛୁଆ ହାତୀର ଜୀବନ । ଟ୍ରେନ ଆସୁଥିବା ଜାଣି ମଧ୍ୟ ଲୋକମାନେ ହାତୀକୁ ଟ୍ରେନ ଲାଇନ ଆଡକୁ ଘଉଡ଼ାଇବାରୁ ଏଭଳି ଦୁର୍ଘଟଣା ଘଟିଛି । ତେବେ ଏଠି ବନ ବିଭାଗର କାର୍ୟ୍ୟ ଦକ୍ଷତା ନେଇ ମଧ୍ୟ ପ୍ରଶ୍ନ ଉଠିଛି । ହାତୀଙ୍କୁ କାହିଁକି ଟ୍ରାକ୍ କରି ନଥିଲା ବନ ବିଭାଗ । ରେଳ ଲାଇନ ପାଖରେ ହାତୀ ପଲ ଥିବା ବେଳେ ରେଳ ବିଭାଗକୁ ସତର୍କ କରିଥିଲା କି ବନ ବିଭାଗ ? ଲୋକେ ହାତୀ ଘଉଡ଼ାଇବା ସମୟରେ କେଉଁଠି ଥିଲେ ବନ କର୍ମଚାରୀ ? ଦୁର୍ଘଟଣା ପରେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ବନ ବିଭାଗ ଓ ରେଳ କର୍ମଚାରୀ ।
