ଓଲିଉଡ଼ରେ ନୂଆ ରେକର୍ଡ଼ କରୁଛି କର୍ମ!

‘କର୍ମ’ ଭଲ ଆୟ କରୁଛି । ପୂଜା ବଜାରରେ ଏହି ଫିଲ୍ମ ଦର୍ଶକଙ୍କ ମନ ମୋହିଛି । ଭଲ ଅଭିନୟ ସହ ସଂଳାପକୁ ଦର୍ଶକେ ପସନ୍ଦ କରିଛନ୍ତି ।  ଅନୁଭବ ମହାନ୍ତି, ସୂର୍ଯ୍ୟମୟୀ, ମନ୍ମୟ, ଦିବ୍ୟାଦିଶା, ସନୋଜ, ନିଶାନ୍ତ ମଜିଠିଆ ଓ ଉଦିତ ଗୁରୁ ପ୍ରମୁଖ ଅଭିନୟ କରିଛନ୍ତି। ଆଶିଷ ପ୍ରଧାନ ଏହାର ସଙ୍ଗୀତକାର। ମାନସ ପଢ଼ିଆରି ଏହାର ସଂଳାପ ଲେଖକ। ଦୀପକ କୁମାର ଏହାର ସିନେମାଟୋଗ୍ରାଫର୍। ଅମୀୟ ପଟ୍ଟନାୟକ ପ୍ରଡ଼କ୍ସନ ବ୍ୟାନରରେ ଅନୁପମ ପଟ୍ଟନାୟକଙ୍କ ନିର୍ଦ୍ଦେଶିତ କର୍ମ ପ୍ରଥମ ଦିନରୁ ହିଁ ଜବରଦସ୍ତ ବ୍ୟାବସାୟିକ ସଫଳତା ହାସଲ କରିଛି । ଏହାପରେ ବି ଏହାର କ୍ରେଜ ବଢିବାରେ ଲାଗିଛି । ଗୋଟିଏ ପରେ ଗୋଟିଏ ରେକର୍ଡ଼ ବି କରିବାରେ ଲାଗିଛି ।

ରିଲିଜରେ ପ୍ରଥମ ଦିନରେ ଫିଲ୍ମଟି 37 ଲକ୍ଷରୁ ଅଧିକ ଟଙ୍କାର ବ୍ୟବସାୟ କରିଥିବା ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି ଯାହା ଓଡ଼ିଆ ଫିଲ୍ମର ଇତିହାସରେ ଏକ ସର୍ବକାଳୀନ ରେକର୍ଡ଼ । ଏହାପର ଦିନ ଅର୍ଥାତ ଗୁରୁବାର 38.1 ଲକ୍ଷ, ଶୁକ୍ରବାର 40.3 ଶନିବାର , 48.9 ଓ ରବିବାର 56.7 ଲକ୍ଷ ଟଙ୍କାର ବ୍ୟବସାୟ କରିଛି । ଏପରି ମାତ୍ର 5 ଦିନରେ କର୍ମ 2.21 କୋଟି ଟଙ୍କାର ବ୍ୟବସାୟ କରିଥିବା ଜଣାଯାଇଛି । ଓଡ଼ିଶା ବାହାରେ ମଧ୍ୟ ଅର୍ଥାତ ଶୁକ୍ରବାରରେ ପୁନେ , ଦିଲ୍ଲୀ, ବେଙ୍ଗାଲୁରୁ ଓ ମୁମ୍ବାଇରେ ରିଲିଜ ହୋଇଛି ।