ହରିୟାଣା ବିଧାନସଭା ନିର୍ବାଚନର ଫଳାଫଳକୁ ନେଇ କଂଗ୍ରେସ ବ୍ୟାକ୍ ଫୁଟରେ ଅଛି । ମେଂଟ ସହଯୋଗୀମାନେ ଏବେ କଂଗ୍ରେସ ସହ ମେଂଟ କରି କ୍ଷତି ସହିବାକୁ ଚାହୁଁନାହାଁନ୍ତି । ହରିୟାଣାରେ ଯେଉଁଭଳି ଭାବରେ ବିଜେପି କ୍ଷମତାକୁ ଫେରିଛି ତାକୁ ନେଇ କଂଗ୍ରେସ ଖାଲି ଚକିତ ହୋଇଛି ମେଂଟ ଦଳମାନେ ମଧ୍ୟ ଚକିତ ହୋଇଛନ୍ତି । ଏହାର ପ୍ରଭାବ ମହାରାଷ୍ଟ୍ର ଏବଂ ଝାଡ଼ଖଣ୍ଡ ନିର୍ବାଚନରେ ପଡ଼ିବ । ଆଗାମୀ ନିର୍ବାଚନରେ ହରିୟାଣା ନିର୍ବାଚନର ଫଳାଫଳ କେତେ ପ୍ରଭାବ ପକାଇବ ତାକୁ ନେଇ ଭିନ୍ନ ଭିନ୍ନ ମତ ରହିଛି । କିଛି ଗଣମାଧ୍ୟମରେ ବିଜେପିକୁ ଲାଭ ହେବା କୁହାଯାଉଥିବା ବେଳେ କିଛି ଗଣମାଧ୍ୟମରେ କଂଗ୍ରେସ ଆଉ ସେ ଭୁଲ କରିବ ନାହିଁ ବୋଲି କୁହାଯାଉଛି ।
ମହାରାଷ୍ଟ୍ର ବିଧାନସଭା ନିର୍ବାଚନ ତାରିଖ ଖୁବ୍ ଶୀଘ୍ର ଘୋଷଣା ହେବାକୁ ଯାଉଛି । ବିଭିନ୍ନ ଦଳ ଏବଂ ମିଳିତ ମଞ୍ଚର ନେତାମାନେ ଏହି ଫଳାଫଳ ଉପରେ ମନ୍ତବ୍ୟ ଦେଉଛନ୍ତି। ତେବେ ମହାରାଷ୍ଟ୍ରରେ କିଏ ସରକାର ଗଠନ କରିବ ତାହା ସମୟ କହିବ ।
