ମୈସୁରରୁ ଦରଭଙ୍ଗା ଯାଉଥିବା ବାଗମତି ଏକ୍ସପ୍ରେସ ଦୁର୍ଘଟଣାଗସ୍ତ । ଲାଇନଚ୍ୟୁତ ହୋଇ ଏକ ମାଲବାହୀ ଟ୍ରେନ ସହ ଧକ୍କା ହେବାରୁ ମାଲବାହୀ ଟ୍ରେନରେ ଏକାଧିକ ବଗିରେ ନିଆଁ ଲାଗିଗଲା । ଫଳରେ 19 ଜଣ ଯାତ୍ରୀ ଆହତ ହୋଇଥିବା ସୂଚନା ରହିଛି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ମୁତାବକ ଶୁକ୍ରବାର ରାତି ପାଖାପାଖି ସାଢେ 8 ଟା ସମୟରେ ତାମିଲନାଡ଼ୁରେ ଟ୍ରେନ ନମ୍ବର 12578 ମୈସୁର- ଦରଭଙ୍ଗା ଏକ୍ସପ୍ରେସ ଏକ ମାଲବାହୀ ଗାଡ଼ି ସହ ଧକ୍କା ହୋଇଥିଲା । ଫଳରେ ଏକ୍ସପ୍ରେସ ଟ୍ରେନର ଦୁଇଟି ବଗିରେ ନିଆଁ ଲାଗିଛି । ଟ୍ରେନର 12ରୁ 13 ଟି ବଗି ଲାଇନଚ୍ୟୁତ ହୋଇଛି । ଘଟଣାଟି କାଓ୍ବରାଇପେଟେଇ ରେଳ ଷ୍ଟେସନ ନିକଟରେ ଘଟିଛି । ଦୁର୍ଘଟଣାରେ 19 ଜଣ ଆହତ ହୋଇଛନ୍ତି । ଧକ୍କା ବେଳେ ଟ୍ରେନରେ ଗତି କେତେ ଥିଲା ସେ ନେଇ କେୌଣସି ସୂଚନା ମିଳିନାହିଁ । ତେବେ ତୁରନ୍ତ ରେଳ ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ଆହତ ଯାତ୍ରୀଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି ।
