ଭାରତୀୟ ମହିଳା କ୍ରିକେଟ୍ ଦଳ ପାଇଁ ଆଜି ବଡ଼ ମ୍ୟାଚ । କର ବା ମର ପରିସ୍ଥିତି । ଭାରତ ଜିତିଲେ ଆଗକୁ ଯିବାର ସଂଭାବନା ରହିଛି । ଭାରତ ପାଇଁ ଆଜି ଆଇସିସି ମହିଳା ଟି-୨୦ ବିଶ୍ବକପ୍ ୨୦୨୪ର ଦ୍ବିତୀୟ ମ୍ୟାଚ୍ । ଏଥିରେ ହରମନପ୍ରୀତ କୌରଙ୍କ ନେତୃତ୍ୱରେ ପାକିସ୍ତାନ ବିପକ୍ଷରେ ମୈଦାନକୁ ଓହ୍ଲାଇବାକୁ ଯାଉଛି । ସୁପର ସଣ୍ଡେରେ ଆଜି ଡବଲ ମ୍ୟାଚ ଦେଖିବାକୁ ମିଳିବ । ମହିଳା ଟି -୨୦ ବିଶ୍ୱକପରେ ଟିମ୍ ଇଣ୍ଡିଆ ପାକିସ୍ତାନକୁ ଭେଟିବାକୁ ଥିବା ବେଳେ ଭାରତୀୟ ପୁରୁଷ ଦଳ ବାଂଲାଦେଶ ବିପକ୍ଷ ଟି -୨୦ ସିରିଜ ଆରମ୍ଭ କରିବ।
ଟି-୨୦ ବିଶ୍ୱକପ୍ର ପ୍ରଥମ ମ୍ୟାଚ୍ରେ ଭାରତ ପରାଜିତ ହୋଇଛି । ଭାରତ ନ୍ୟୁଜିଲ୍ୟାଣ୍ଡ ବିପକ୍ଷରେ ହାରି ଯିବାରୁ ପ୍ରେସରରେ ଅଛି। ଏଭଳି ପରିସ୍ଥିତିରେ ସେମିଫାଇନାଲ ଦୌଡରେ ରହିବାକୁ ଭାରତକୁ ଜିତିବାକୁ ପଡ଼ିବ । ଟିମ୍ ଇଣ୍ଡିଆକୁ ପାକିସ୍ତାନକୁ ପରାସ୍ତ କରିବାକୁ ପଡିବ।
ପାକିସ୍ତାନ ଦଳ ପ୍ରଥମ ମ୍ୟାଚ ଜିତିଛି । ପାକିସ୍ତାନ ସହଜରେ ଶ୍ରୀଲଙ୍କାକୁ ହରାଇଛି । ଭାରତ ଏହା ପରେ ଶ୍ରୀଲଙ୍କା ଏବଂ ଅଷ୍ଟ୍ରେଲିଆକୁ ସାମ୍ନା କରିବାକୁ ପଡିବ। ଏଭଳି ପରିସ୍ଥିତିରେ ସେମିଫାଇନାଲକୁ ଯିବା ସହଜ ହେବ ନାହିଁ।
ସେପଟେ ପୁରୁଷ ଦଳ ବିଭାଗରେ ବାଂଲାଦେଶକୁ ଭେଟିବ ଭାରତ । ସୂର୍ଯ୍ୟକୁମାର ଯାଦବଙ୍କ ନେତୃତ୍ୱାଧିନ ଭାରତୀୟ ପୁରୁଷ କ୍ରିକେଟ୍ ଦଳ ମଧ୍ୟପ୍ରଦେଶର ଗ୍ବାଲିୟରରେ ବାଂଲାଦେଶକୁ ଧୂଳି ଚଟାଇବାକୁ ପଡ଼ିଆକୁ ଓହ୍ଲାଇବ ।
ଆଇପିଏଲରେ ନିଜର ଚିହ୍ନ ଛାଡିଥିବା ଅନେକ ଯୁବ ଖେଳାଳି ଏହି ସିରିଜରେ ଭାରତୀୟ ଦଳରେ ଅଛନ୍ତି । ସୂଚନା ଅନୁଯାୟୀ ଏପର୍ଯ୍ୟନ୍ତ ଭାରତ ଏବଂ ବାଂଲାଦେଶ ମଧ୍ୟରେ ୧୪ଟି ଟି -୨୦ ମ୍ୟାଚ୍ ଖେଳାଯାଇଛି। ଭାରତୀୟ ଦଳ ବାଂଲାଦେଶକୁ ୧୩ ଥର ପରାସ୍ତ କରିଥିବା ବେଳେ ବାଂଲାଦେଶ ଦଳ କେବଳ ଥରେ ଜିତିଛି ।
କ୍ରିକେଟ୍ ପ୍ରେମୀଙ୍କ ପାଇଁ ଆଜି ବଡ଼ ସୋ ଡେ । ଆପଣ ଯଦି ଦୁଇଟି ମ୍ୟାଚ୍ ଦେଖିବାକୁ ଚାହୁଁଛନ୍ତି ତେବେ ସବୁ କାମ ସାରି ଅପେକ୍ଷା କରନ୍ତୁ । ନିଶ୍ଚୟ ଆଜି ମନ ଖୁସି ଲାଗିବ । କାରଣ ଗୋଟିଏ ଦିନରେ ପାକିସ୍ତାନ ଏବଂ ବାଂଲାଦେଶର ଦଳକୁ ପରାସ୍ତ କରିବାକୁ ଭାରତ ସୁଯୋଗ ପାଇବ।
