ଇସ୍ରାଏଲ ଘନ ଘନ ଆକ୍ରମଣ କରୁଛି । ସିରିଆ ସୀମାରେ ଆକ୍ରମଣ କରି ଜାତୀୟ ରାଜପଥ ଏବଂ ଏହା ସହ ସଂଲଗ୍ନ ଥିବା ଟନେଲ ଧ୍ବଂସ କରିଛି । ଇରାନ-ସିରିଆ ଯୋଗାଯୋଗ ବିଚ୍ଛିନ୍ନ ହୋଇଛି । ମନସା କ୍ରସିଂ ଧ୍ବଂସ ହେବା ପରେ ହିଜିବୁଲ୍ଲା ପାଖରେ ଅସ୍ତ୍ର ପହଁଚିପାରୁନାହିଁ ।
ହିଜବୁଲ୍ଲା ୨୪ ଘଣ୍ଟା ମଧ୍ୟରେ ଇସ୍ରାଏଲ ଉପରେ୩୦୦ରୁ ଅଧିକ ରକେଟ୍ ମାଡ କରିଛନ୍ତି । ହିଜବୁଲ୍ଲାର ଆକ୍ରମଣ ହେତୁ ଗୋଲାନ ହାଇଟ୍ସରେ ଥିବା ଆଇଡିଏଫ ତାଲିମ କେନ୍ଦ୍ରରେ ନିଆଁ ଲାଗିଯାଇଥିଲା। ହିଜବୁଲ ମଧ୍ୟ ଅନେକ ବିସ୍ଫୋରଣ କରି ଇସ୍ରାଏଲର ସେଫେଡକୁ ଥରାଇ ଦେଇଛି। ହିଜବୁଲ ଆକ୍ରମଣ ପରେ ଗାଲିଲୀର ଅନେକ ସ୍ଥାନରେ ଅଗ୍ନିକାଣ୍ଡ ଘଟିଥିବାର ଖବର ରହିଛି। ଇସ୍ରାଏଲ ହିଜବୁଲ୍ଲା ଉପରେ ଅତର୍କିତ ଆକ୍ରମଣ କରିଥିବା ବେଳେ ଏହାର ସାମରିକ ଶକ୍ତି ପ୍ରାୟ ନଷ୍ଟ ହୋଇଯାଇଛି। ତାଙ୍କର ଅସ୍ତ୍ରଶସ୍ତ୍ର ସରିଯାଇଛି।
ମସନା ହେଉଛି ସେହି କ୍ରସିଂ ଯାହା ମାଧ୍ୟମରେ ସିରିଆରୁ ହିଜବୁଲ୍ଲାଙ୍କୁ ଇରାନ ଅସ୍ତ୍ର ଯୋଗାଇ ଦିଆଯାଇଥାଏ । ଏହି ଆକ୍ରମଣ ଦ୍ବାରା ସିରିଆରୁ ହିଜବୁଲ ପର୍ଯ୍ୟନ୍ତ ଅସ୍ତ୍ରଶସ୍ତ୍ର ଯୋଗାଣ ବନ୍ଦ ହୋଇଯାଇଛି, କେବଳ ଏତିକି ନୁହେଁ, ଇସ୍ରାଏଲ ବାୟୁସେନା ମଧ୍ୟ ୨ କିଲୋମିଟର ଲମ୍ବା ଟନେଲକୁ ଧ୍ୱଂସ କରିଦେଇଛି । ଏହି ଆକ୍ରମଣରେ ଲେବାନନକୁ ସିରିଆ ସହିତ ସଂଯୋଗ କରୁଥିବା ଟନେଲ ମଧ୍ୟ ନଷ୍ଟ ହୋଇଯାଇଛି। ଏହି ଟନେଲ ମାଧ୍ୟମରେ ଇରାନର ଅସ୍ତ୍ର ହିଜବୁଲ୍ଲାକୁ ପଠାଉଥିଲା । ଏହି ଟନେଲ ଉପରେ କେବଳ ହିଜବୁଲାର ନିୟନ୍ତ୍ରଣ ଥିଲା ।
ଟନେଲ ଭିତରେ ଅନେକ ଅସ୍ତ୍ରଶସ୍ତ୍ର ଗୋଦାମ ରହିଥିଲା, ଇସ୍ରାଏଲର ଏୟାର ଷ୍ଟ୍ରାଇକରେ ଏହି ଅସ୍ତ୍ରଶସ୍ତ୍ର ଗୋଦାମ ମଧ୍ୟରେ ନଷ୍ଟ ହେଇଯାଇଛି । ଇସ୍ରାଏଲ ଲେବାନନକୁ ସିରିଆ ସହିତ ସଂଯୋଗ କରୁଥିବା ଏକମାତ୍ର ରାସ୍ତା ଏବଂ ଟନେଲକୁ ଧ୍ୱଂସ କରିଦେଇଥିବାରୁ ବର୍ତ୍ତମାନ ସିରିଆ ଦେଇ ଯୋଗାଣ ପାଇଁ ହିଜବୁଲାର କେବଳ ତିନୋଟି ମାର୍ଗ ବାକି ଅଛି। ଏହି ମାର୍ଗଗୁଡ଼ିକ ହେଉଛି ମାର୍ ବାଉନ୍, ନାହର ଅଲ କବୀର, ଶିବା ଫାର୍ମ । କିନ୍ତୁ ଏଗୁଡିକ ମୁଖ୍ୟ ରାସ୍ତା ନୁହେଁ, ଏଗୁଡ଼ିକ ଜଙ୍ଗଲ କିମ୍ବା ପାହାଡ ଦେଇଯାଇଥିବା ରାସ୍ତା । ଟ୍ରକ୍ ଏହା ଉପରେ ଯାଇପାରିବ ନାହିଁ, ତେଣୁ ଅସ୍ତ୍ରଶସ୍ତ୍ରଗୁଡିକ ବଡ଼ ଆକାରରେ ଏବଂ ଦ୍ରୁତ ଗତିରେ ହିଜବୁଲକୁ ହସ୍ତାନ୍ତର କରାଯିବ ନାହିଁ । ଇସ୍ରାଏଲ ଏଥିରୁ ସିଧାସଳଖ ଲାଭବାନ ହେବେ।
ଇସ୍ରାଏଲ ପାଇଁ ବର୍ତ୍ତମରନ ବଡ ସମସ୍ୟା ହେଉଛି ସିରିଆ ସୀମାରେ ଆକ୍ରମଣ ପରେ ରୁଷ ଏବଂ ଇରାନ ସୈନ୍ୟ ଅସନ୍ତୋଷ ଅଛନ୍ତି। ଇସ୍ରାଏଲ ଧ୍ୱଂସ କରିଥିବା ରାଜପଥ ରୁଷିଆ ଏବଂ ଇରାନ ପାଇଁ ଏକ ଗୁରୁତ୍ୱପୂର୍ଣ୍ଣ ରାଜପଥ ଥିଲା | ଏଭଳି ପରିସ୍ଥିତିରେ ରୁଷିଆ ବର୍ତ୍ତମାନ ସିରିଆ ସୀମାରୁ ଇସ୍ରାଏଲ ବିରୁଦ୍ଧରେ ଯୁଦ୍ଧ ଆରମ୍ଭ କରିପାରେ ।
ଇସ୍ରାଏଲର ଏହି ଆକ୍ରମଣକୁ ରୁଷିଆ ଏବଂ ଚୀନ୍ ଆପତ୍ତି ଜଣାଇଛନ୍ତି । ଏଭଳି ପରିସ୍ଥିତିରେ ଆରବରେ ବିଶ୍ୱଯୁଦ୍ଧର ଦେଖାଦେଇଛି। ସିରିଆ ହେଉଛି ଏକ ଦେଶ ଯାହାକି ଅନେକ ଶକ୍ତିର କେନ୍ଦ୍ର ବିନ୍ଦୁ । ସିରିଆ ମଧ୍ୟ ରୁଷ ସେନାର ଗଡ଼ ଅଟେ। ଇରାନର ଆଇଆରଜିସିର ମୁଖ୍ୟାଳୟ ଏବଂ ସିରିଆରେ ଅନେକ ବେସ ଅଛି, ଆମେରିକାର ମଧ୍ୟ ସିରିଆରେ ଏକ ବେସ ଅଛି । ସିରିଆରେ ଆଇଏସଆଇଏସର ଉପସ୍ଥିତି ସହିତ ଅନେକ ଇରାନ ପ୍ରକ୍ସି ସକ୍ରିୟ ଅଛନ୍ତି। ଏଭଳି ପରିସ୍ଥିତିରେ ଇସ୍ରାଏଲର ଏହି ଆକ୍ରମଣ ସିରିଆରେ ଅଶାନ୍ତି ସୃଷ୍ଟି କରିବ ବୋଲି ଆଶଙ୍କା କରାଯାଉଛି । ଇସ୍ରାଏଲ କେବଳ ହିଜବୁଲାର ଭୂମି ଯୋଗାଣ ମାର୍ଗକୁ ନଷ୍ଟ କରିନାହିଁ ବରଂ ଏହାର ବାୟୁ ଅସ୍ତ୍ର ଯୋଗାଣକୁ ମଧ୍ୟ ବନ୍ଦ କରିଦେଇଛି । ତେଜରାନରୁ ଏକ ମାଲବାହୀ ବିମାନ ହିଜବୁଲକୁ ଅସ୍ତ୍ରଶସ୍ତ୍ର ଯୋଗାଇବା ପାଇଁ ବେରୁଟକୁ ଆସୁଥିଲା, କିନ୍ତୁ ଇସ୍ରାଏଲ ସୈନ୍ୟମାନେ ଏହାକି ରୋକିବା ସହିତ ଧ୍ବଂସ କରିବାକୁ ଧମକ ଦେଇଥିଲେ ।
