ନୂଆଦିଲ୍ଳୀ: ଯୁବ ପିଢ଼ିଙ୍କୁ ନଷ୍ଟ କରୁଛି କଂଗ୍ରେସ । ନିଶା ଭିତରେ ଯୁବ ପିଢ଼ିଙ୍କୁ ବୁଡ଼ାଇ ରଖୁଛି କଂଗ୍ରେସ । କଂଗ୍ରେସ ଯୁବପିଢ଼ୀମାନଙ୍କୁ “ଡ୍ରଗ୍ସର ଅନ୍ଧକାର ଦୁନିଆ”କୁ ନେଇଯାଉଛି । ଏପରି କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ଦିଲ୍ଳୀରେ ୫ ହଜାର କୋଟି ଟଙ୍କାର ଡ୍ରଗ୍ସ ଧରାପଡ଼ିବା ପରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶୁକ୍ରବାର ଦିନ କଂଗ୍ରେସ ଦଳ ଉପରେ ଅଭିଯୋଗ ଲଗାଇଛନ୍ତି । ସେ କହିଛନ୍ତି ଯେ ‘କଂଗ୍ରେସ ଯୁବପିଢ଼ୀମାନଙ୍କୁ “ଡ୍ରଗ୍ସର ଅନ୍ଧକାର ଦୁନିଆ”କୁ ନେଇଯାଉଛି। ଦିଲ୍ଲୀରେ ଏକ ଚଢ଼ାଉରେ ୫୦୦ କିଲୋଗ୍ରାମରୁ ଅଧିକ କୋକେନ ଏବଂ ୪୦ କିଲୋଗ୍ରାମ ହାଇଡ୍ରୋପୋନିକ ଗଞ୍ଜେଇ ଜବତ ହେବା ପରେ ମୁଖ୍ୟ ଅଭିଯୁକ୍ତ ତୁଷାର ଗୋୟଲଙ୍କୁ ଗିରଫ କରାଯାଇଥିଲା। କିଙ୍ଗପିନ୍ ତୁଷାର ଗୋୟଲ ପୂର୍ବରୁ ସହ କୌଣସି ପ୍ରକାରର ସଂଯୋଗକୁ କଂଗ୍ରେସ ଅସ୍ୱୀକାର କରିଥିଲେ ବି ଅମିତ ଶାହା ଏପରି ଅଭିଯୋଗ ଆଣିଛନ୍ତି।
ଅମିତ ଶାହା ମାଇକ୍ରୋବ୍ଲଗିଂ ସାଇଟ୍ ‘ଏକ୍ସ’ରେ ଏକ ପୋଷ୍ଟ କରି ଦାବି କରିଛନ୍ତି ଯେ ମୋଦୀ ସରକାର ଡ୍ରଗ୍ସ ଉପରେ “ଶୂନ୍ୟ ସହନଶୀଳତା” ନୀତି ପ୍ରତି ପ୍ରତିଶ୍ରୁତିବଦ୍ଧ ଏବଂ ଯୁବକମାନଙ୍କୁ ଶିକ୍ଷା, କ୍ରୀଡା ଏବଂ ନବସୃଜନ ଦିଗରେ ମାର୍ଗଦର୍ଶନ କରୁଥିବା ବେଳେ କଂଗ୍ରେସ ଏହାର ରାଜନୖତିକ ପ୍ରଭାବକୁ ନିଶା କାରବାରରେ ଉପଯୋଗ ସକ୍ଷମ କରିବାରେ ଲାଗିଛି।
