ନୂଆଦିଲ୍ଲୀ: ଜଣେ ପ୍ରଫେସରଙ୍କ ଅଭିଯୋଗ ପରେ ତାମିଲନାଡୁ ହାଇକୋର୍ଟ ଇଶା ଫାଉଣ୍ଡେସନ ସର୍ଚ୍ଚ କରିବାକୁ ଆଦେଶ ଦେଇଥିଲେ । ପ୍ରଫେସର କହିଥିଲେ ତାଙ୍କ ଝିଅଙ୍କୁ ଇଶା ଫାଉଣ୍ଡେସନରେ ବଳ ପୂର୍ବକ ରଖାଯାଇଛି । ତେବେ ଏହାକୁ ଫାଉଣ୍ଡେସନ ପକ୍ଷରୁ ମିଥ୍ୟା କୁହାଯାଇଥିଲା । ଝିଅମାନେ ତାଙ୍କ ଇଚ୍ଛାରେ ଆସି ଆଶ୍ରମରେ ରହୁଥିବା କୁହାଯାଇଥିଲା । ତେବେ ସଦ୍ଗୁରୁଙ୍କ ଈଶା ଫାଉଣ୍ଡେସନ୍ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ ନାହିଁ ପୁଲିସ୍ ବୋଲି ସୁପ୍ରିମକୋର୍ଟ କହିଛନ୍ତି। ସୁପ୍ରିମକୋର୍ଟ ଗୁରୁବାର ଦିନ ମାଡ୍ରାସ ହାଇକୋର୍ଟଙ୍କ ନିର୍ଦ୍ଦେଶକୁ ସ୍ଥଗିତ ରଖିଛନ୍ତି। ତାମିଲନାଡୁର କୋଏମ୍ବାଟୁରରେ ଆଧ୍ୟାତ୍ମିକ ଗୁରୁ ସଦ୍ଗୁରୁ ଜାଗି ବସୁଦେବଙ୍କ ଈଶା ଫାଉଣ୍ଡେସନ ବିରୋଧରେ ପୁଲିସ୍କୁ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମାଦ୍ରାସ ହାଇକୋର୍ଟ ଅନୁମତି ଦେଇଥିବା ବେଳେ ଏବେ ତାହା ଉପରେ ରୋକ୍ ଲଗାଇଛନ୍ତି ସର୍ବୋଚ୍ଚ ନ୍ୟାୟାଳୟ।
ମାଦ୍ରାସ ହାଇକୋର୍ଟ ଈଶା ଫାଉଣ୍ଡେସନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୁଲିସ୍କୁ ଅନୁମତି ଦେବା ପରେ ଈଶା ଫାଉଣ୍ଡେସନ୍ ସୁପ୍ରିମ୍କୋର୍ଟଙ୍କ ଦ୍ବାରସ୍ଥ ହୋଇଥିଲା। ତାମିଲନାଡୁ ସରକାରଙ୍କୁ ଫାଉଣ୍ଡେସନ ବିରୋଧରେ ପଞ୍ଜୀକୃତ ହୋଇଥିବା ସମସ୍ତ ଅପରାଧିକ ମାମଲାର ବିବରଣୀ ଦାଖଲ କରିବାକୁ ନିର୍ଦ୍ଦେଶ ଦେବା ସହ ଅଦାଲତ କାର୍ଯ୍ୟାନୁଷ୍ଠାନ ଗ୍ରହଣ ଉପରେ ରୋକ ଲଗାଇଛନ୍ତି।
