ଅକ୍ଟୋବର 1 ରେ, ଇରାନ ଇସ୍ରାଏଲର ବିଭିନ୍ନ ଅଞ୍ଚଳକୁ ଟାର୍ଗେଟ କରି 180 ରୁ ଅଧିକ ବାଲିଷ୍ଟିକ୍ କ୍ଷେପଣାସ୍ତ୍ର ଉତକ୍ଷେପଣ କରିଥିଲା । ଏହି ଆକ୍ରମଣ କାହିଁକି କରିଥିଲା ତାର କାରଣ ହେଉଛି ଲେବାନନ୍ ଆତଙ୍କବାଦୀ ସଂଗଠନ ହିଜବୁଲ ଉପରେ ହୋଇଥିବା ଆକ୍ରମଣ ତଥା ଏହାର ମୁଖ୍ୟ ହାସନ ନାସରାଲ୍ଲାଙ୍କ ହତ୍ୟାର ପ୍ରତିଶୋଧ ପାଇଁ । ଏହା ପରେ କଣ ହେଲା ସମଗ୍ର ଇସ୍ରାଏଲରେ ଏୟାର ରେଡ୍ ସାଇରନ୍ ଶୁଣିବାକୁ ମିଳିଥିଲା ଏବଂ ଭୂମଧ୍ୟସାଗରରେ ଅବସ୍ଥିତ ଆମେରିକା ବାହିନୀର ସହଯୋଗରେ ଆସୁଥିବା କ୍ଷେପଣାସ୍ତ୍ରକୁ ଅଟକାଇବା ପାଇଁ ଇସ୍ରାଏଲ୍ ପ୍ରତିରକ୍ଷା ବାହିନୀ ଚେଷ୍ଟା କରିଥିଲା।
ଆଇଡିଏଫ୍ ମୁଖପାତ୍ର ରିୟର ଆଡମିରାଲ୍ ଡାନିଏଲ୍ ହାଗରୀ ଏହି ଆକ୍ରମଣକୁ ଏକ ଭୟଙ୍କର ତଥା ବିପଜ୍ଜନକ ବୋଲି ବର୍ଣ୍ଣନା କରିଥିଲେ। ସେ କହିଛନ୍ତି, “ଇରାନ ଇସ୍ରାଏଲରେ ସିଧାସଳଖ ଇରାନ ମାଟିରୁ 180 ରୁ ଅଧିକ ବାଲିଷ୍ଟିକ୍ କ୍ଷେପଣାସ୍ତ୍ର ଦ୍ବାରା ଆକ୍ରମଣ କରିଛି। ଇସ୍ରାଏଲର ମଧ୍ୟ ଭାଗରେ ଅଳ୍ପ ସଂଖ୍ୟକ ହିଟ୍ କରିଛି । ଦକ୍ଷିଣ ଇସ୍ରାଏଲରେ ଅନ୍ୟ କିଛି ହିଟ୍ କରି ସାମାନ୍ୟ କ୍ଷତି ହୋଇଥିଲା ଆସୁଥିବା କ୍ଷେପଣାସ୍ତ୍ରଗୁଡିକୁ ଆକାଶରେ ନଷ୍ଟ କରିଥିଲା ଇସ୍ରାଏଲ ।
”ଇସ୍ରାଏଲ ଉପରେ ଇରାନ ଆକ୍ରମଣ କରିବା ପରେ ଖବର ପ୍ରକାଶ କରିଥିଲା ଯେ
ଏଥିରେ ଶତାଧିକ ଆହତ ହୋଇଛନ୍ତି । କିନ୍ତୁ ଇସ୍ରାଏଲ କହିଛି ଜଣେ ଆହତ ହୋଇଛନ୍ତି । ତେବେ ଇସ୍ରାଏଲ ଏବଂ ଇରାନ ମଧ୍ୟରେ ତିକ୍ତତାକୁ ନେଇ ଚିନ୍ତା ବ୍ୟକ୍ତ କରିଛନ୍ତି ଆମେରିକା, ଓ ଭାରତ । ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର କହିଛନ୍ତି ‘‘ପୂର୍ବରୁ ବିବାଦକୁ ନେଇ ଭାରତ ଚିନ୍ତିତ ଥିବାବେଳେ ଏବେ ଇସ୍ରାଏଲ ଏବଂ ଇରାନ ମଧ୍ୟରେ ତିକ୍ତତା ପୂର୍ଣ୍ଣ ଯୁଦ୍ଧରେ ପରିଣତ ହେବାର ଆଶଙ୍କା ରହିଛି।’’ କୌଣସି ବି ଦେଶ ଅନ୍ତର୍ଜାତୀୟ ମାନବିକ ନିୟମ ପାଳନ କରିବା ସହ ସାଧାରଣ ନାଗରିକଙ୍କ କ୍ଷତି ନକରିବା ଆବଶ୍ୟକ। ଶାନ୍ତି ଆବଶ୍ୟକ । ଯୁଦ୍ଧ କୈାଣସି ସମସ୍ୟାର ସ୍ଥାୟୀ ସମାଧାନ ନୁହେଁ । କେବଳ ଲେବାନନରେ ଘଟିଥିବା ଘଟଣାକୁ ନେଇ ଚିନ୍ତିତ ନାହୁଁ। ବରଂ ହୁତି, ରେଡ୍ ସି ଏବଂ ଇରାନ ଓ ଇସ୍ରାଏଲ ମଧ୍ୟରେ ଘଟିଥିବା ସମସ୍ତ ଘଟଣାକୁ ଭାରତ ଚିନ୍ତା ପ୍ରକଟ କରୁଛି ।
ଲେବାନନ୍ ଉପରେ ଇସ୍ରାଏଲ ସେନାର ଆକ୍ରମଣ ପରେ ମଧ୍ୟପ୍ରାଚ୍ୟରେ ବିସ୍ଫୋରକ ସ୍ଥିତି ଉପୁଜିଛି। ଆଜି ଇରାନ ଇସ୍ରାଏଲ ବିରୋଧରେ ପ୍ରଚଣ୍ଡ ଆକ୍ରମଣ ଆରମ୍ଭ କରିଛି। କେନ୍ଦ୍ରୀୟ ଇସ୍ରାଏଲ ସମେତ ସମସ୍ତ ପ୍ରମୁଖ ଅଞ୍ଚଳକୁ ଟାର୍ଗେଟ୍ କରି ଇରାନ କ୍ଷେପଣାସ୍ତ୍ର ମାଡ଼ ଜାରି ରଖିଛି। ଭାରତୀୟ ସମୟ ରାତି ୧୦ଟା ୨୦ରୁ ତୀବ୍ର ଆକ୍ରମଣ ଆରମ୍ଭ ହୋଇଛି ଏବଂ ମାତ୍ର ୧୦ ମିନିଟ୍ ମଧ୍ୟରେ ଦୁଇଟି ପର୍ଯ୍ୟାୟରେ ୪ ଶହ କ୍ଷେପଣାସ୍ତ୍ର ମାଡ଼ କରାଯାଇଛି। ଇସ୍ରାଏଲର ବାୟୁ ପ୍ରତିରକ୍ଷା ବ୍ୟବସ୍ଥା ଅଧିକାଂଶ କ୍ଷେପଣାସ୍ତ୍ରକୁ ଅଟକାଇବାରେ ସକ୍ଷମ ହୋଇଥିଲେ ମଧ୍ୟ ଅନେକ ଟାର୍ଗେଟ୍ରେ ପହଞ୍ଚୁଥିବାରୁ ଭୟାନକ ସ୍ଥିତି ଉପୁଜିଛି। ସମସ୍ତ ନାଗରିକଙ୍କୁ ସୁରକ୍ଷିତ ଆଶ୍ରୟରେ ରହିବାକୁ ନିର୍ଦ୍ଦେଶ ଦିଆଯାଇଛି। ତେବେ ଏହି ଯୁଦ୍ଧ କେତେ ଆଗକୁ ଯାଉଛି ତାହା ସମୟ କହିବ ।
