ଟେଷ୍ଟରେ ଭାରତ ପୁଣି ଏକନମ୍ବର । ଅଷ୍ଟ୍ରେଲିଆ ଦୁଇ ନମ୍ବରରେ ରହିଛି । କାନପୁରରେ ବାଂଲାଦେଶ ବିପକ୍ଷ ଟେଷ୍ଟରେ ଭାରତର ଦମଦାର ବିଜୟ ହାସଲ କରିଛି । କାନପୁର ମ୍ୟାଚ୍ ଜିତି ଦୁଇ ଟିକିଆ ସିରିଜକୁ ଭାରତ ୨-୦ରେ କ୍ଲିନ୍ ସୁଇପ୍ କରି ନେଇଛି । କାନପୁର ଟେଷ୍ଟରେ ବାଂଲାଦେଶକୁ ୭ ଓ୍ବିକେଟରେ ହରାଇଛି ଭାରତ । ୧୭.୨ ବଲରେ ଭାରତ ୯୫ ରନର ବିଜୟ ଲକ୍ଷ୍ୟ ହାସଲ କରିନେଇଥିଲା ।
କାନପୁର ଟେଷ୍ଟରେ ବାଂଲାଦେଶ ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ୨୩୩ ରନ୍ କରିଥିଲା । ତେବେ ବର୍ଷା ମ୍ୟାର ବହୁମୂଲ୍ୟ ସମୟକୁ ଧୋଇ ଦେଇଥିଲା । ଗତକାଲି ଭାରତ ତା’ର ପ୍ରଥମ ଇନିଂସ୍ ଖେଳି ୯ ୱିକେଟରେ ୨୮୫ ରନ୍ କରିବା ସହ ପାଳି ଘୋଷଣା କରିଥିଲା । ମ୍ୟାଚ ଜିତିବାକୁ ଆଗ୍ରେସିଭ ବ୍ୟାଟିଂ କରିଥିଲା ଭାରତ । ଟେଷ୍ଟ ମ୍ୟାଚ ହୋଇଥିବା ସତ୍ତ୍ଵେ ଦେଖିବାକୁ ମିଳିଥିଲା ଟି-ଟ୍ଵେଣ୍ଟି ପରି ବିସ୍ଫୋରକ ବ୍ୟାଟିଂ । ଧୂଆଁଧାର ବ୍ୟାଟିଂ କରି ଯଶସ୍ଵୀ ୭୨ ରନ୍ କରିଥିବା ବେଳେ ଶୁଭମନ ଗିଲ୍ ୩୯ ରନ୍, କୋହଲି ୪୭ ରନ୍ ଓ ରାହୁଲ ୬୮ ରନ୍ କରିଥିଲେ । ଚେନ୍ନାଇରେ ହୋଇଥିବା ପ୍ରଥମ ଟେଷ୍ଟ ମଧ୍ୟ ଜିତିଥିଲା ଭାରତ । କାନପୁର ଟେଷ୍ଟ ଜିତି ୨-୦ରେ କ୍ଲିନ ସୁଇପ୍ କରିଛି ଭାରତ ।
ବର୍ଷା ବାଧାପ୍ରାପ୍ତ ଏହି ଟେଷ୍ଟକୁ ଭାରତ ବିଜୟ ଲକ୍ଷ୍ୟରେ ଖେଳିଥିଲା । ଭାରତ ଦ୍ବିତୀୟ ଇନିଂସରେ ଟେଷ୍ଟ ମ୍ୟାଚକୁ ଟି-ଟ୍ବଣ୍ଟି ପରି ଖେଳିଥିଲା । ବାଂଲାଦେଶ ଟିମ୍ ଦ୍ବିତୀୟ ଇନିଂସରେ ମାତ୍ର ୧୪୬ ରନ୍ କରି ଅଲଆଉଟ ହୋଇଯାଇଥିଲା । ବୁମରା, ଅଶ୍ଵୀନ ଓ ଜାଡେଜା ୩ଟି ଲେଖାଏଁ ୱିକେଟ ନେଇଛନ୍ତି । ଫଳରେ ଭାରତ ଆଗରେ ୯୫ ରନର ବିଜୟ ଲକ୍ଷ ଥିଲା । ଯାହାକୁ ଭାରତ ୧୭ ଓଭର ଦୁଇଟି ବଲରେ ହାସଲ କରି ନେଇଥିଲା ।
