ଶ୍ରୀଲଙ୍କାକୁ ମିଳିଛି ନୂଆ ରାଷ୍ଟ୍ରପତି । ଅନୁରା କୁମାରୀ ଦିଶାନାୟକେ ଶ୍ରୀଲଙ୍କାର ନୂଆ ରାଷ୍ଟ୍ରପତି ହୋଇଛନ୍ତି । ନ୍ୟାଶନାଲ ପିପୁଲ ପାଓ୍ବାର ମେଣ୍ଟର ପ୍ରାର୍ଥୀ ଅନୁରା 53 ପ୍ରତିଶତ ଭୋଟ ପାଇଥିବା ସୂଚନା ମିଳିଛି । ଫଳାଫଳ ଅନୂଯାୟୀ ନ୍ୟାଶନାଲ ପିପୁଲ ପାଓ୍ବାର ର ନେତା ଅନୁରା କୁମାର ଦିଶାନାୟକେ ଶ୍ରୀଲଙ୍କାର ନବମ କାର୍ଯ୍ୟନିର୍ବାହୀ ରାଷ୍ଟ୍ରପତି ହେବାକୁ ଯାଉଛନ୍ତି । ରାଷ୍ଟ୍ରପତି ନିର୍ବାଚନ ପାଇଁ ଶନିବାର ସକାଳ 7 ଟାରୁ 4 ଟା ପର୍ଯ୍ୟନ୍ତ 22 ଟି ନିର୍ବାଚନ କ୍ଷେତ୍ରରେ 13400 ରୁ ଅଧିକ ମତଦାନ କେନ୍ଦ୍ରରେ ଅନୁଷ୍ଠିତ ହୋଇଥିଲା ।
ନିର୍ବାଚନ ଆୟୋଗଙ୍କ ରିପୋର୍ଟ ଅନୁଯାୟୀ 17 ମିଲିୟନ ଭୋଟରଙ୍କ ମଧ୍ୟରୁ 75 ପ୍ରତିଶତ ମତଦାନରେ ଭାଗ ନେଇଥିଲେ । 7 ଟି ନିର୍ବାଚନ ମଣ୍ଡଳୀରେ ଡ଼ାକ ଭୋଟିଂରୁ ମିଳିଥିବା ଫଳାଫଳ ଅନୁଯାୟୀ ଦିଶାନାୟକେ 56 ପ୍ରତିଶତ ଭୋଟ ପାଇଥିବାବେଳେ ତାଙ୍କ ପ୍ରତିନ୍ଦ୍ବନ୍ଦ୍ବୀ ସାଜିଥ ପ୍ରେମାଦାସ ଏବଂ ବର୍ତମାନର ରାଷ୍ଟ୍ରପତି ରାନିଲ ଓ୍ବିକ୍ରେମସିଂହେ ପ୍ରତ୍ୟେକେ 19 ପ୍ରତିଶତ ଭୋଟ ପାଇଛନ୍ତି ।
