ଚେନ୍ନାଇରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚରେ ଭାରତ ବିଜୟୀ ହୋଇଛି । ଭ୍ରମଣକାରୀ ବଂଲାଦେଶ ଦଳକୁ ଟିମ ଇଣ୍ଡିଆ 280ରେ ପରାଜିତ କରିଛି । ଫଳରେ 3 ମ୍ୟାଚ ବିଶିଷ୍ଟ ଶୃଙ୍ଖଳାରେ ଭାରତ 1-0 ରେ ଆଗୁଆ ହୋଇଛି ।
ଟସ ଜିତି ବଂଲାଦେଶ ଦଳ ବୋଲିଂ ନିଷ୍ପତ୍ତି ନେଇଥିଲା । ଟିମ ଇଣ୍ଡିଆ ପ୍ରଥମ ପାଳିରେ 367 ରନରେ ଅଲଆଉଟ ହୋଇଥିଲା । ପ୍ରାରମ୍ଭିକ ବିପର୍ଯ୍ୟୟ ସତ୍ବେ ରବିଚନ୍ଦ୍ରନ ଅଶ୍ବିନୀ , ରବୀନ୍ଦ୍ର ଜାଡ଼େଜା ଏବଂ ଯଶଶ୍ବୀ ଜୟସଓ୍ବାଲଙ୍କ ଲଢୁଆ ବ୍ୟାଟିଂ ବଳରେ ଦଳ 376 ରନ କରିପାରିଥିଲା । ଏହାର ଜବାବରେ ବଂଲାଦେଶ ମାତ୍ର 149 ରନରେ ଅଲଆଉଟ ହୋଇଯାଇଥିଲା ।
2ୟ ଇନିଂସରେ ଭାରତ 287 ରନ କରିଥିଲା । ଶୁଭମନ ଗିଲ 119 ଏବଂ ରୁଷଭ ପନ୍ତ 109 ରନ କରିଥିଲେ । ବାଂଲାଦେଶକୁ ଜିତିବାକୁ 515 ରନ ଆବଶ୍ୟକ ଥିବାବେଳେ ଦଳ 243 ରନରେ ସମସ୍ତ ଉଇକେଟ ହରାଇଥିଲେ । ଭାରତ ପକ୍ଷରୁ ରବିବନ୍ଦ୍ରନ ଅଶ୍ବନୀ ସର୍ବାଧିକ 6 ଟି ଉଇକେଟ ନେଇଥିବାବେଳେ ଯଶପ୍ରୀତ ବୁମରା ଏବଂ ରବୀନ୍ଦ୍ର ଜାଡ଼େଜା 5 ଟି ଲେଖାଏ ଉଇକେଟ ଅକ୍ତିଆର କରିଥିଲେ ।
