ଆଉ ବିଳମ୍ଭ କାହିଁକି? ଆସନ୍ତୁ ଟିକେ ହଲ ଆଡେ ବୁଲି ଆସିବେ । କାରଣ ଏବେ ସିନେମା ଟିକେଟ ଶସ୍ତା । ସିନେ ପ୍ରେମୀଙ୍କ ପାଇଁ ଆସିଛି ଏକ ବଡ଼ ଖୁସି ଖବର । ଯେଉଁମାନେ ଫିଲ୍ମକୁ ହଲରେ ଦେଖିବା ପାଇଁ ପସନ୍ଦ କରନ୍ତି , ସେମାନଙ୍କ ପାଇଁ ବମ୍ପର ଅଫର ଆସିଛି । ଜାତୀୟ ସିନେମା ଦିବସ ଅବସରରେ ଆପଣ ନିଜର ପ୍ରିୟ ସିନେମାକୁ ମାତ୍ର 99 ଟଙ୍କାରେ ଦେଖିପାରିବ । ଅଫର ମୁଖ୍ୟତଃ ନିୟମିତ ଚ୍ଚଳଚ୍ଚିତ୍ର ସ୍କ୍ରିନିଂ ହୋଇଥିବା ବେଳେ 3 ଡ଼ି , ରିସଲିନର ସିଟ ଏବଂ ପ୍ରିମିୟମ ଥିଏଟର ଏବଂ 99 ଟଙ୍କାରେ ଅନ୍ତର୍ଭୁକ୍ତ ନୁହେଁ । ଏହାସହ ଅନେକ ଚ୍ଚଳଚ୍ଚିତ୍ର ରିଲିଜ ହୋଇଛି । ଯାହାକୁ ନେଇ ଲୋକଙ୍କ ଖୁସି ରହିଛି । ତେଣୁ ପ୍ରେକ୍ଷାଳୟରେ ଦର୍ଶକଙ୍କ ଭିଡ କମ୍ ହେବ ନାହିଁ ।
ଅଗଷ୍ଟ ୧୫ରେ ରିଲିଜ ହେବା ପରଠାରୁ ବକ୍ସ ଅଫିସରରେ ଧମାକା କରୁଥିବା ‘ସ୍ତ୍ରୀ୨’, ତୁମ୍ବାଡ, ଗୋଟ୍, ବକିଙ୍ଗହମ୍ ମର୍ଡର୍ସ ପାଇଁ ସିନେ ପ୍ରେମୀଙ୍କ ଭିଡ ଲାଗି ରହିଛି । ସେହିପରି କିଛି ପୁରୁଣା ଫିଲ୍ମକୁ ମଧ୍ୟ ପୁନଃ ରିଲିଜ୍ କରାଯିବ ।
ଚଳିତ ବର୍ଷ ଜାତୀୟ ସିନେମା ଦିବସ 20 ସେପ୍ଟେମ୍ବର ଶୁକ୍ରବାରରେ ପଡ଼ୁଛି । ଗତ ବର୍ଷ 2023 ରେ ଏହା 13 ଅକ୍ଟୋବରରେ ପାଳନ କରାଯାଇଥିଲା । ମଲ୍ଟିପ୍ଳେକ୍ସ ଆସୋସିଏସନ ଅଫ୍ ଇଣ୍ଡିଆ ଜାତୀୟ ସିନେମା ଦିବସ ପାଇଁ ଏକ ବଡ଼ ଘୋଷଣା କରିଛନ୍ତି । 20 ସେପ୍ଟେମ୍ବରରେ ସାରା ଦେଶରେ ଶସ୍ତାରେ ଫିଲ୍ମ ଦେଖିବା ପାଇଁ ସୁଯୋଗ ମିଳିବ । ତେଣୁ ଯେଉଁମାନେ ସିନେମା ଦେଖିବାକୁ ଚାହୁଁଛନ୍ତି ବୁକିଂ କରିନିଅନ୍ତୁ ।
ଅଫର ଅନୁଯାୟୀ ପିଭିଆର ସିନେପୋଲିସ ସବୁରେ 300 – 400 ଟଙ୍କାରେ ମିଳୁଥିବା ସିନେମା ଟିକେଟ ମାତ୍ର 99 ଟଙ୍କାରେ ମିଳିବ । ଏହା ସହ ଅନଲାଇନ ଟିକେଟ ବ୍ଳକ କରିବା ପାଇଁ ଆପଣଙ୍କୁ ଦର୍ଶକ ମଲ୍ଟିପ୍ଲେକ୍ସ ଚାଳିତ ଓେବସାଇଟ , ବୁକ ମାଇ ଶୋ , ପେଟିଏମ ଆଦି ବ୍ୟବହାର କରି ପାରିବେ । ଏଥିରେ ଆପଣଙ୍କୁ ସମସ୍ତ ଅଫର ମିଳିବ । ଆାପଣଙ୍କ ଉଭୟ ଅନଲାଇନ ଓ ଅଫଲାଇନରେ ଟିକେଟ ବୁକ କରି ପାରିବେ ।
