ମୁକେଶ ଅମ୍ବାନୀଙ୍କ ସହ ରଣବୀର ଓ ଦୀପିକାଙ୍କ ସଂପର୍କ ବେଶ ଘନିଷ୍ଠ । ଏବେ ମୁକେଶ ସିଧା ଯାଇ ଦୀପିକାଙ୍କୁ ବଧାଇ ଜଣାଇଛନ୍ତି । ଯାହାର ଭିଡିଓ ଭାଇରାଲ ହେଉଛି । ସମସ୍ତେ ଏହାକୁ ପ୍ରଶଂସା କରୁଛନ୍ତି । କାରଣ ଏକ ଭଲ ଖବର । ଅନେକ ସମୟରେ ପାରିବାରିକ ମିଳନରେ ସମସ୍ତେ ମଜା କରୁଥିବା ଦେଖିବାକୁ ମିଳିଥାଏ । କେବଳ ସେତିକି ନୁହିଁ ମୁକେଶ ସାନପୁଅ ଅନନ୍ତ ଅମ୍ବାନୀ ଓ ରଣବୀର କେତେ ଭଲ ବନ୍ଧୁ ତାହା ଅନନ୍ତଙ୍କ ବାହାଘରରେ ଦେଖିବାକୁ ମିଳିଥିଲା । ରଣବୀର ରୋମାଞ୍ଚକ ନୃତ୍ୟ ପ୍ରଦର୍ଶକ କରି ଅତିଥିଙ୍କୁ ଚମକୃତ କରି ଦେଇଥିବା ବେଳେ ଦୀପିକା ବି ଉପସ୍ଥିତ ଥିଲେ । ତେବେ ସବୁଠୁ ବଡ଼ କଥା ହେଉଛି ଗଣେଷ ଚତୁର୍ଥୀରେ କନ୍ୟା ସନ୍ତାନର ବାପାମାଆ ହୋଇଛନ୍ତି ଅଭିନେତା ରଣବୀର ସିଂହ ଓ ଅଭିନେତ୍ରୀ ଦୀପିକା ପାଦୁକୋନ । ଏହି ତାରକା ଦମ୍ପତିଙ୍କ ଝିଅ ହେବା ଖବର ଶୁଣିବା ପରେ ପୁରା ବଲିଉଡ଼ ଦୁହିଁଙ୍କ ଶୁଭେଚ୍ଛା ଜଣାଇଛି । ଅନେକ ସେଲିବ୍ରିଟି ମିଡ଼ିଆରେ ଶୁଭେଚ୍ଛା ବାର୍ତା ଦେଇଥିବା ବେଳେ କେତେକ ବି ଦୁହିଁଙ୍କୁ ଭେଟିଛନ୍ତି । କେବଳ ବଲିଉଡ଼ ତାରକା କାହିଁକି ଦୀପବୀରଙ୍କୁ ଶୁଭେଚ୍ଛା ଦେବାକୁ ହସ୍ପିଟାଲରେ ପହଞ୍ଚିଥିଲେ ପୃଥିବୀର ଅନ୍ୟତମ ଧନୀ ଶିଳ୍ପପତି ମୁକେଶ ଅମ୍ବାନୀ । ଭାଇରାଲ ହୋଇଥିବା ଏକ ଭିଡ଼ିଓରେ ମୁକେଶ ଅମ୍ବାନୀ ଏକ କାରରୁ ବାହାରି ହସ୍ପିଟାଲ ଭିତରକୁ ଯାଉଥିବା ଦେଖିବାକୁ ମିଳିଛି ।
