ଚଳିତ ଏସୀୟ ଚାମ୍ପିୟନ ଟ୍ରଫି ହକି ପ୍ରତିଯୋଗିତାରେ ବିଜେତା ଭାରତର ବିଜୟ ଜାରି ରହିଛି । ରବିବାର ପ୍ରଥମ ମ୍ୟାଚରେ ଅୟୋଜକ ଚୀନକୁ 3-0 ଗୋଲରେ ହରାଇଥିବା ଭାରତ ସୋମବାର ଜାପାନକୁ 5-1 ଗୋଲରେ ମାଡ଼ ଦେଇଛି । ଭାରତ ପକ୍ଷରୁ ସୁଖଜିତ ସିଂହ ଦୁଇଟି ଏବଂ ଅଭିଷେକ , ସଂଜୟ ଓ ଉତ୍ତମ ସିଂହ ପ୍ରତ୍ୟେକ ଗୋଟିଏ ଲେଖାଏଁ ଗୋଲ ଦେଇଥିଲା ବେଳେ ଜାପାନର ମାସୁମୋତୋ କାଜୁମାସା ଗୋଟିଏ ଗୋଲ ଶୁଝି ପାରିଥିଲେ । ମ୍ୟାଚର ଦ୍ବିତୀୟ ମିନିଟରେ ସଂଜୟଙ୍କ କ୍ରସ ପାସରେ ସୁଖଜିତ ଫିଲ୍ମ ଗୋଲ ଦେଇ ଅଭିଯାନ ଆରମ୍ଭ କରିଥିଲେ । ଏହା ପର ମିନିଟରେ ଅଭିଷେକ ଭାରତକୁ 2-0 ରେ ଅଗ୍ରଣୀ ଦେଇଥିଲେ ।
ଦ୍ବିତୀୟ କ୍ବାର୍ଟରରେ ଦଳକୂ ମିଳିଥିବା ପେନାଲଟି କର୍ଣ୍ଣରକୁ ସଂଜୟ ଗୋଲରେ ପରିଣତ କରି ସ୍ଥିତି 3-0 କରିଦେଇଥିଲେ । 41 ତମ ମିନିଟରେ ଜାପାନ ପାଇଁ କାଜୁମାସା ଏକମାତ୍ର ଗୋଲ ଶୁଝି ଦେଇଥିଲେ । 54 ତମ ମିନିଟରେ ଜର୍ମାନପ୍ରତୀଙ୍କ ପାସରେ ଉତ୍ତମ ସିଂହ ଗୋଲ ଦେଇଥିଲା ବେଳେ ଶେଷ ମିନିଟରେ ଅଭିଷେକଙ୍କ ସହଯୋଗରେ ସୁଖଜିତ ଗୋଲ କରି ଦଳକୁ 5-1 ରେ ବିଜୟ ଭେଟି ଦେଇଥିଲେ ।ଅଭିଷେକକୁ ମ୍ୟାଚରେ ଶ୍ରଷ୍ଠ ଖେଳାଳି ପୁରସ୍କାର ମିଳିଥିଲା । ହର୍ମନପ୍ରୀତି ସିଂହଙ୍କ ନେତୃତ୍ବାଧୀନ ଭାରତୀୟ ଦଳ ପରବର୍ତୀ ମ୍ୟାଚରେ ଗତ ଥର ଉପବିଜେତା ମାଲେସିଆକୁ ବୁଧବାର ଭୋଟିବ ।
