ଖୁବଶୀଘ୍ର ମୁକ୍ତିଲାଭ କରିବାକୁ ଯାଉଛି ଓଡ଼ିଆ ଫିଲ୍ମ ମହାକାଳ । ଦେତ୍ତ୍ବ ଏଣ୍ଟରଟେଣ୍ଟମେଣ୍ଟ ବ୍ୟାନରରେ ନିର୍ମିତ ଏହି ଫିଲ୍ମରେ ନାୟକ ଭୂମିକାରେ ଦେଭ ନଜର ଆସିବେ । ଫିଲ୍ମର ପ୍ରଯୋଜନା ଏବଂ ନିର୍ଦ୍ଦେଶନା ଭାର ମଧ୍ୟ ଦେଭ ସମ୍ଭାଳିଛନ୍ତି । କାହାଣୀ , ଡ଼ାଇଲଗ ଦାୟିତ୍ବ ନେଇଛନ୍ତି ଭରଦ୍ବାଜ ପଣ୍ଡା । ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଗୁଡ଼ଲି ରଥ ।
ଫିଲ୍ମର କାହାଣୀ ଜଙ୍ଗଲପୋଡ଼ି ଉପରେ ପର୍ଯ୍ୟବେସିତ । ଏଥିରେ ପରିବେଶ ସୁରକ୍ଷା ନେଇ ବାର୍ତା ଦିଆଯାଇଛି । ସିନେମାରେ ଭରପୁର କମେଡ଼ି ରହିଛି ଯାହା ଦର୍ଶକଙ୍କୁ ହସର ଖୋରାକ ଯୋଗାଇବ । ଆଦିବାସୀଙ୍କ ଜୀବନ ଶୈଳୀ ଏବଂ ଜଙ୍ଗଲ ସୁରକ୍ଷାକୁ ନେଇ ସେମାନେ କେତେ ସଚେତନ ସେନେଇ ଚଳଚ୍ଚିତ୍ରରେ ଦେଖିବାକୁ ମିଳିବ ।
ଚଳଚ୍ଚିତ୍ର ସିକ୍ବିମ ଗ୍ୟାଙ୍କଟକ, ବାଲେଶ୍ବର, ବାରିପଦା ଓ ଭୁବନେଶ୍ବରରେ ଏହାର ସୁଟିଂ ହୋଇଛି । ଫିଲ୍ମରେ ହିରୋ ଭୂମିକାରେ ଦେଭ ନଜର ଆସିବେ । ସେ ପୂର୍ବରୁ ପ୍ରେମ ତୋର ନଟି ନଟି ରେ ନଜର ଆସିଥିଲେ । ଅଭିନେତ୍ରୀ ଭୁମିକାରେ ମୋନାଲି ନଜର ଆସିବେ । ସହ କାଳାକାର ଭାବେ ଅସିତ ପତି,ବ୍ରଜ ସିଂ, ଡିସ୍କୋ ରେଡ୍ଡି , ବାପି, ଆରକେ , ମନ୍ମଥ ମିଶ୍ର ନଜର ଆସିବେ । ମିଡ଼ିଆ ପ୍ଲାନର ଦାୟିତ୍ବ ତୁଲାଉଛନ୍ତି ଅମରେଶ ।
