ନିର୍ବାଚନ ପରେ ମୋଦିଙ୍କୁ କି ବିଜେପିକୁ କେହି ଭୟ କରୁନାହାଁନ୍ତି । ଭାରତରେ ସବୁକିଛି ଚାଇନାରେ ନିର୍ମିତ। ଭାରତରେ କିଛି ନିର୍ମାଣ ହେଉନାହିଁ । ଚାଇନା ଉତ୍ପାଦନ ଉପରେ ଧ୍ୟାନ ଦେଉଛି କେନ୍ଦ୍ର ସରକାର । ତେଣୁ ଚାଇନାରେ ରୋଜଗାର ସମସ୍ୟା ନାହିଁ।” ଭାରତରେ ଅଛି । ଏଭଳି ଆମେରିକାରେ କହିଛନ୍ତି ରାହୁଲ ଗାନ୍ଧୀ ।
ଏକ କାର୍ଯ୍ୟକ୍ରମରେ ରାହୁଲ ଗାନ୍ଧୀ ବିରୋଧୀ ଦଳର ନେତା ଭାବରେ ଭାରତର ଆର୍ଥିକ ସ୍ଥିତିକୁ ସୁଦୃଢ଼ କରିବା ପାଇଁ ମତ ରଖିବା ବେଳେ ଚୀନକୁ ପ୍ରଶଂସା କରିଥିଲେ । ଦେଶରେ ରୋଜଗାର ଉପରେ ମତ ରଖିଥିଲେ । ଭାରତ ଯୋଡୋ ଯାତ୍ରା ତାଙ୍କୁ ପ୍ରେମ ଶିଖାଇଥିଲା । ଦେଶରେ ପ୍ରେମ ସୃଷ୍ଟି କରିବା ତାଙ୍କର କାମ ବୋଲି କହିଥିଲେ ରାହୁଲ । ମୋର ଭୂମିକା ସଂସଦରେ ସରକାରଙ୍କ ବିରୁଦ୍ଧରେ କହିବା ଏବଂ ସେମାନଙ୍କୁ ଏକଛତ୍ରବାଦୀ ଶାସନରୁ ନିବୃତ୍ତ କରିବା । ମୁଁ ଭାବୁଛି ମୋର ଭୂମିକା ହେଉଛି ଭାରତୀୟ ରାଜନୀତିରେ ପ୍ରେମ, ସମ୍ମାନ ଏବଂ ନମ୍ରତା ଆଣିବା। ପ୍ରେମ ଏବଂ ସମ୍ମାନ କେବଳ ଶକ୍ତିଶାଳୀ ଲୋକଙ୍କ ପାଇଁ ନୁହେଁ, ବରଂ ଯେଉଁମାନେ ଦେଶ ନିର୍ମାଣରେ ନିୟୋଜିତ ଅଛନ୍ତି ସେମାନଙ୍କ ପାଇଁ ବୋଲି କହିଥିଲେ ରାହୁଲ ।
ରାହୁଲ ସେଠାରେ ଦେଇଥିବା ବକ୍ତବ୍ୟ କିନ୍ତୁ ଚର୍ଚାରେ ରହିଛି । ରାହୁଲ ଗାନ୍ଧୀ ପ୍ରଥମ ଥର ପାଇଁ ବିରୋଧୀ ଦଳ ନେତା ଭାବରେ ବିଦେଶ ଗସ୍ତରେ ଅଛନ୍ତି। ସେଠାରେ ସେ ଟେକ୍ସାସ ରାଜ୍ୟରେ 2 ଟି କାର୍ଯ୍ୟକ୍ରମରେ ଭାଗ ନେଇଥିଲେ | ପ୍ରଥମେ ସେ ଡାଲାସରେ ଭାରତୀୟ ସମ୍ପ୍ରଦାୟର ଲୋକଙ୍କୁ ଭେଟିଥିଲେ | ଏହା ପରେ ରାହୁଲ ଗାନ୍ଧୀ ସୋମବାର ଦିନ ଟେକ୍ସାସ ବିଶ୍ୱବିଦ୍ୟାଳୟର ଛାତ୍ରମାନଙ୍କ ସହ ଭାରତୀୟ ରାଜନୀତି, ଅର୍ଥନୀତି ଏବଂ ଭାରତ ଯୋଡୋ ଯାତ୍ରା ଭଳି ଅନେକ ପ୍ରସଙ୍ଗ ଉପରେ ଆଲୋଚନା କରିଥିଲେ।
ଭାରତରେ କୈାଣସି ରାଜ୍ୟ ଅନ୍ୟଠାରୁ ଶ୍ରେଷ୍ଠ ନୁହେଁ | ଜାତି, ଭାଷା, ଧର୍ମ, ପରମ୍ପରା କିମ୍ବା ଇତିହାସ ନିର୍ବିଶେଷରେ ଲୋକଙ୍କ ମତକୁ ସ୍ଥାନ ଦିଆଯିବା ଉଚିତ୍ ବୋଲି କହିଥିଲେ ରାହୁଲ ।
ଆରଏସଏସ ଉପରେ ରାହୁଲ କହିଥିଲେ ଏହି ସଂଗଠନ ମହିଳାଙ୍କୁ ଘରେ ରହିବାକୁ କହୁଛି । ନିର୍ବାଚନରେ ଲକ୍ଷ ଲକ୍ଷ ଲୋକ ଅନୁଭବ କଲେ ଯେ ପ୍ରଧାନମନ୍ତ୍ରୀ ସମ୍ବିଧାନ ଉପରେ ଆକ୍ରମଣ କରୁଛନ୍ତି। ତେଣୁ, ଯେତେବେଳେ ମୁଁ ନିର୍ବାଚନ ସମୟରେ ମୋ ହାତରେ ସମ୍ବିଧାନ ଧରିଥିଲି, ଲୋକମାନେ ବୁଝିପାରିଲେ ଯେ ବିଜେପି ଆମର ପରମ୍ପରା, ଭାଷା, ରାଜ୍ୟ ତଥା ଆମ ଇତିହାସ ଉପରେ ଆକ୍ରମଣ କରୁଛି।
ରାହୁଲ ଆହୁରି କହିଥିଲେ ଯେ ସଂସଦରେ ମୋର ପ୍ରଥମ ଭାଷଣରେ ମୁଁ ଅଭୟ ମୁଦ୍ରାଙ୍କୁ ଉଲ୍ଲେଖ କରିଛି। ବିଜେପି ଏହାକୁ ସହ୍ୟ କରିପାରିନଥିଲା। ସେମାନେ ଏହାକୁ ବୁଝିପାରିଲେ ନାହିଁ । ନିର୍ବାଚନ ପରେ ଲୋକମାନେ ବିଜେପି ପ୍ରତି ଭୟ ହରାଇଲେ। ଏହି କାର୍ଯ୍ୟକ୍ରମରେ ଯୋଗ ଦେଇ ଭାରତୀୟ ବିଦେଶ କଂଗ୍ରେସ ସଭାପତି ସାମ ପିଟ୍ରୋଡା କହିଛନ୍ତି ଯେ ରାହୁଲ ଗାନ୍ଧୀ ପପୁ ନୁହଁନ୍ତି, ସେ ଶିକ୍ଷିତ ଏବଂ କୈାଣସି ପ୍ରସଙ୍ଗରେ ଗଭୀର ଚିନ୍ତାକରିପାରନ୍ତୁ ସେ ରଣନୀତିଜ୍ଞ। ଏହାକୁ ନେଇ ଏବେ ରାଜନୀତି ମହଲରେ ଅନେକ ଆଲୋଚନା ଚାଲିଛି ।
