ଓଡ଼ିଶାର କୁକୁଡ଼ା  ଓ ଅଣ୍ଡା ଗାଡ଼ିକୁ ଛାଡ଼ୁନି ପଶ୍ଚିମବଙ୍ଗ ପୋଲିସ  । ପଶ୍ଚିମବଙ୍ଗ ସୀମାନ୍ତ ସୋନାକଣିଆ ଚେକ ପୋଷ୍ଟ ନିକଟରେ ଅଟକାଉଛି ପୋଲିସ । ଦିନ ସାରା  ଓଡ଼ିଶା ଗାଡ଼ି ଚେକ ପୋଷ୍ଟରେ ଛିଡ଼ା ହେଉଥିବା ଦେଖିବାକୁ ମିଳୁଛି । ହେଲେ ରାତିରେ କିଛି ପୋଲିସ କର୍ମୀ ଲାଞ୍ଚ ନେଇ ଗାଡ଼ି ଛାଡ଼ି ଦେଉଥିବା ଅଭିଯୋଗ ହୋଇଛି ।

ଓଡ଼ିଶାରେ ବାର୍ଡ଼ ପ୍ଲୁ ପାଇଁ ପଶ୍ଚିମବଙ୍ଗ ସରକାର ଓଡ଼ିଶା ଗାଡ଼ିକୁ ପଶ୍ଚିମବଙ୍ଗ ଭିତରକୁ ଯିବାକୁ ଅନୁମତି ଦେଉନାହାନ୍ତି । ଓଡ଼ିଶାରୁ ପଶ୍ଚିମବଙ୍ଗ ଯାଉଥିବା କୁକୁଡ଼ା ଅଣ୍ଡା ଏବଂ କୁକୁଡ଼ା ଦାନା ଗାଡ଼ିକୁ ପଶ୍ଚିମବଙ୍ଗ ଭିତରକୁ ପ୍ରବେଶ ଅନୁମତି ମିଳୁନାହିଁ । ଗତ ଗୁରୁବାର 100 ରୁ ଅଧିକ ଅଣ୍ଡା ଗାଡ଼ି ଅଟକି ରହିଥିଲା ।50 ରୁ ଅଧିକ କୁକୁଡ଼ା ଗାଡ଼ି ପଶ୍ଚିମବଙ୍ଗ ଯାଇ ନପାରି ଫେରି ଯାଇଥିଲା । ଅଟକ ରହିଥିବା ସମସ୍ତ ଆନ୍ଧ୍ର ଏବଂ ତେଲେଙ୍ଗାନା ଅଣ୍ଡା ଗାଡ଼ିକୁ ଛାଡ଼ି ଦିଆଯାଉଥିବା ବେଳେ ଓଡ଼ିଶା ନମ୍ବର ଥିବା ଗାଡ଼ିକୁ ଫେରାଇ ଦେଉଛି ।