ନୂଆଦିଲ୍ଲୀ: ଝିଅମାନଙ୍କ ବିରୁଦ୍ଧରେ ଅପରାଧକୁ ବରଦାସ୍ତ କରାଯିବ ନାହିଁ ବୋଲି ରାଷ୍ଟ୍ରପତି ଦ୍ରୈାପଦୀ ମୁର୍ମୁ କହିଛନ୍ତି । ମହିଳାଙ୍କ ପ୍ରତି ହେଉଥିବା ଅତ୍ୟାଚାର ଉପରେ ରାଷ୍ଟ୍ରପତି କହିଛନ୍ତି ମହିଳାମାନେ କମ ଶକ୍ତିଶାଳୀ ନୁହଁନ୍ତି । କୋଲକାତାର ଆରଜି କର ମେଡିକାଲ କଲେଜରେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏପରି ବଡ ବୟାନ ଦେଇଛନ୍ତି । ସେ ଏକ ସାକ୍ଷାତକାରରେ କହିଛନ୍ତି ଯେ ମୁଁ ବହୁତ ନିରାଶ ଏବଂ ଭୟଭୀତ । ଝିଅମାନଙ୍କ ବିରୁଦ୍ଧରେ ଅପରାଧକୁ ବରଦାସ୍ତ କରାଯିବ ନାହିଁ । ସେ କହିଛନ୍ତି, ସହିବା ବହୁତ ହୋଇଗଲା । କୌଣସି ସଭ୍ୟ ସମାଜ ଝିଅ ଏବଂ ଭଉଣୀମାନଙ୍କ ଉପରେ ଏପରି ଅତ୍ୟାଚାରକୁ ଅନୁମତି ଦେଇପାରିବ ନାହିଁ |
ଯେଉଁମାନଙ୍କର ଏପରି ଦୃଷ୍ଟିକୋଣ ରହିଛି ସେମାନେ ମହିଳାମାନଙ୍କୁ ଏକ ବସ୍ତୁ ଭାବରେ ଦେଖନ୍ତି । ଭୟରୁ ମୁକ୍ତି ପାଇବା ବାଟରେ ଆସୁଥିବା ପ୍ରତିବନ୍ଧକକୁ ହଟାଇବା ଆମର ଝିଅମାନଙ୍କର କର୍ତ୍ତବ୍ୟ । ସେ କହିଛନ୍ତି, “ନିର୍ଭୟା ପରେ ଗତ ୧୨ ବର୍ଷ ମଧ୍ୟରେ ସମାଜ ଅସଂଖ୍ୟ ଦୁଷ୍କର୍ମକୁ ଭୁଲି ଯାଇଛି, ଏମିତି ଭୁଲିଯିବା ଠିକ୍ ନୁହେଁ। ଇତିହାସ ସାମ୍ନା କରିବାକୁ ଭୟ କରୁଥିବା ସମାଜଗୁଡିକ ଭୁଲିଯିବାର ସାହାରା ନିଅନ୍ତି । ବର୍ତ୍ତମାନ ସମୟ ଆସିଛି ଭାରତ ଇତିହାସକୁ ସାମ୍ନା କରିବା ଉଚିତ । ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି ଯେ ସମାଜ ନିଜକୁ କିଛି କଠିନ ପ୍ରଶ୍ନ ପଚାରିବା ଆବଶ୍ୟକ। କୌଣସି ସଭ୍ୟ ସମାଜ ଝିଅ ଏବଂ ଭଉଣୀମାନଙ୍କ ଉପରେ ଏପରି ଅତ୍ୟାଚାରକୁ ଅନୁମତି ଦେଇପାରିବ ନାହିଁ । ତେଣୁ ସମୟ ଆସିଛି ଏଭଳି ଲୋକମାନଙ୍କୁ ଆଇନ ଅନୁସାରେ କଠୋର ଦଣ୍ଡ ଦେବା ଆବଶ୍ୟକ ।
ମହିଳାଙ୍କ ପ୍ରତି ହେଉଥିବା ଅତ୍ୟାଚାର ଉପରେ ରାଷ୍ଟ୍ରପତି ମୁର୍ମୁ କହିଛନ୍ତି ଯେ ବହୁତ ହୋଇଗଲା। ସେ କହିଛନ୍ତି, “ଯେତେବେଳେ କୋଲକାତାରେ ଛାତ୍ର, ଡାକ୍ତର ଏବଂ ନାଗରିକମାନେ ବିରୋଧ ପ୍ରଦର୍ଶନ କରୁଥିଲେ ସେତେବେଳେ ମଧ୍ୟ ଅପରାଧୀମାନେ ଅନ୍ୟ ସ୍ଥାନରେ ଏହି କୁକର୍ମ କରିବାକୁ ଅପେକ୍ଷା କରି ରହିଥିଲେ। କୌଣସି ସଭ୍ୟ ସମାଜରେ ମହିଳାଙ୍କ ବିପକ୍ଷରେ ଏଭଳି ଅତ୍ୟାଚାରକୁ ଅନୁମତି ଦେଇହେବ ନାହିଁ । ଏହା ବନ୍ଦ ହେବା ଉଚିତ । ରାଷ୍ଟ୍ରପତି ମୁର୍ମୁ କହିଛନ୍ତି, ଅନେକ ସମୟରେ ନିନ୍ଦନୀୟ ମାନସିକତା ଥିବା ଲୋକମାନେ ମହିଳାମାନଙ୍କୁ କମ୍ ଶକ୍ତିଶାଳୀ, କମ୍ ଦକ୍ଷ, କମ୍ ବୁଦ୍ଧିମାନ ଭାବରେ ଦେଖନ୍ତି ।
