ଦେଶରେ ମହିଳା ବିରୋଧୀ ହିଂସା ବଢ଼ୁଥିବା ବେଳେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅପରାଧୀମାନଙ୍କୁ କଡ଼ା ବାର୍ତ୍ତା ଦେଇଛନ୍ତି। ଯେଉଁମାନେ ମହିଳା ବିରୋଧୀ ଅପରାଧରେ ସାମିଲ ଅଛନ୍ତି, ସେମାନଙ୍କୁ ଆଦୌ ଛଡ଼ା ଯିବ ନାହିଁ ବୋଲି ମୋଦି ପ୍ରତିଶ୍ରୁତି ଦେଇଛନ୍ତି।
ମହିଳାଙ୍କ ପ୍ରତି ହେଉଥିବା ଅପରାଧକୁ ନେଇ ଚିନ୍ତା କରିବା ସହ ଆଶ୍ୱାସନା ଦେଇଛନ୍ତି ପ୍ରଧାନମନ୍ତ୍ରୀ । ଅପରାଧରେ ଜଡିତ ଥିବା ଲୋକଙ୍କୁ ସୁରକ୍ଷା କରାଯିବ ନାହିଁ। ନିକଟରେ କୋଲକାତା ତାଲିମପ୍ରାପ୍ତ ଡାକ୍ତରଙ୍କ ବଳାତ୍କାର ଓ ହତ୍ୟା ମାମଲା, ବାଦଲାପୁର ସ୍କୁଲରେ ଯୈାନ ଶୋଷଣ ମାମଲା ଏବଂ ଆସାମ ଗ୍ୟାଙ୍ଗରେପ୍ ପରିପ୍ରେକ୍ଷୀରେ ପିଏମ ମୋଦୀ ଏହାକୁ ନେଇ କଡ଼ା ପ୍ରତିକ୍ରିୟା ପ୍ରକାଶ କରିଛନ୍ତି ।
ଏହି ମାମଲାଗୁଡ଼ିକ ଉପରେ ସମ୍ପ୍ରତି ଦେଶବ୍ୟାପୀ ଅସନ୍ତୋଷକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ମହିଳାଙ୍କ ବିରୋଧରେ ପାପ କରୁଥିବା ଅପରାଧୀଙ୍କ ପାଇଁ ଆମେ କଠୋର ଆଇନ ପ୍ରଣୟନ କରୁଛୁ। ଆଇନକୁ ମଜବୁତ କରିବା ପାଇଁ ଆଇନରେ ସଂଶୋଧନ ଆଣିବା ଏବଂ ପୀଡିତାଙ୍କ ପାଇଁ ନ୍ୟାୟକୁ ଅଧିକ ସୁଗମ କରିବା ପାଇଁ ନୂତନ ବ୍ୟବସ୍ଥା ଗଠନ କରାଯାଉଥିବା ସେ କହିଛନ୍ତି ।
ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ “ମହିଳାମାନଙ୍କୁ ସଶକ୍ତିକରଣ କରିବା ସହିତ ସେମାନଙ୍କର ସୁରକ୍ଷା ସୁନିଶ୍ଚିତ କରିବା ମଧ୍ୟ ଦେଶର ପ୍ରାଥମିକତା | ମୁଁ ମଧ୍ୟ ରାଜ୍ୟ ସରକାରଙ୍କୁ ନିବେଦନ କରିବାକୁ ଚାହୁଁଛି ଯେ ମହିଳାଙ୍କ ପ୍ରତି ହେଉଥିବା ଅପରାଧକୁ ବରଦାସ୍ତ କରାଯିବା ଉଚିତ ନୁହେଁ। ଏପରି ଅପରାଧ କରୁଥିବା ବ୍ୟକ୍ତିଙ୍କୁ କଠୋର ଦଣ୍ଡର ସମ୍ମୁଖୀନ ହେବାକୁ ପଡ଼ିବ। ”
“ଯଦି ଜଣେ ମହିଳା ପୋଲିସ ଷ୍ଟେସନକୁ ଯିବାକୁ ଚାହୁଁନାହାଁନ୍ତି, ତେବେ ସେ ଏକ ଇ-ଏଫଆଇଆର ଦାଖଲ କରିପାରିବେ। କେହି ଇ-ଏଫ୍ଆଇଆର୍ ବଦଳାଇ ପାରିବେ ନାହିଁ। ବିବାହ ପରେ ମହିଳାଙ୍କ ପ୍ରତି ହେଉଥିବା ଅପରାଧ ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦୀ ଉଲ୍ଲେଖ କରିଛନ୍ତି ଯେ ତାଙ୍କ ସରକାର ଏଭଳି ସମସ୍ୟାର ସମାଧାନ ପାଇଁ ବିଏନଏସରେ ନିର୍ଦ୍ଦିଷ୍ଟ ସଂଶୋଧନ ଆଣିଛନ୍ତି। ସେ କହିଛନ୍ତି ଯେ ମହିଳାଙ୍କ ପ୍ରତି ହେଉଥିବା ଅପରାଧର ମୁକାବିଲା ପାଇଁ କେନ୍ଦ୍ର ରାଜ୍ୟ ସରକାରଙ୍କ ସହ ଦୃଢ଼ ଭାବରେ ଛିଡା ହୋଇଛନ୍ତି।
“ଆଜି ମୁଁ ଆପଣଙ୍କୁ ଚ୍ୟାଲେଞ୍ଜ କରୁଛି – ପୂର୍ବ ସରକାରଙ୍କ ସାତ ଦଶନ୍ଧିକୁ ଗୋଟିଏ ପଟେ ରଖନ୍ତୁ ଏବଂ ମୋଦୀ ସରକାରଙ୍କ 10 ବର୍ଷକୁ ଅନ୍ୟ ସ୍କେଲରେ ରଖନ୍ତୁ … ମୋଦୀ ସରକାର ଦେଶର ଭଉଣୀ ପାଇଁ କେତେ ପରିମାଣର କାର୍ଯ୍ୟ କରିଛନ୍ତି? ସ୍ୱାଧୀନତା କୈାଣସି ସରକାର ଏତେ କାମ କରିନାହାଁନ୍ତି ବୋଲି ସେ କହିଛନ୍ତି।
ମହାରାଷ୍ଟ୍ରର ଜଲଗାଓଁରେ ଆୟୋଜିତ ଲକ୍ଷପତି ଦିଦି କାର୍ଯ୍ୟକ୍ରମରେ ମୋଦି କୋଲକାତା, ବଦଲାପୁର ଓ ଆସାମରେ ଘଟିଥିବା ମହିଳା ବିରୋଧୀ ହିଂସା ପ୍ରସଙ୍ଗ ଉଠାଇଛନ୍ତି। ମହିଳା ବିରୋଧୀ ଅପରାଧକୁ ସେ ଅକ୍ଷମଣୀୟ ପାପ ଭାବେ ଅବିହିତ କରିଛନ୍ତି।
