ଲୋକସଭା ନିର୍ବାଚନ ନରେ ୟୁପିର 10 ଟି ବିଧାନସଭା ଆସନରେ ଉପ-ନିର୍ବାଚନ ଅନୁଷ୍ଠିତ ହେବ। ଯଦିଓ ନିର୍ବାଚନ ତାରିଖ ଘୋଷଣା କରାଯାଇ ନାହିଁ, ତଥାପି ୟୁପି ରାଜନୀତି ସମ୍ପୂର୍ଣ୍ଣ ଭାବେ ଉତ୍ତପ୍ତ ରହିଛି। ସମସ୍ତ 10 ଟି ବିଧାନସଭା ଆସନରେ ଟକ୍କର ହେବାର ସଂଭାବନା ରହିଛି । ତେବେ ଏସପି ଏବଂ କଂଗ୍ରେସ ମଧ୍ୟ ସେମାନଙ୍କର ବଡ ନେତାଙ୍କୁ ଲଢ଼େଇ ପାଇଁ ମଇଦାନ ସ୍ଥିର କରିଛନ୍ତି । ତେବେ ଉପ-ନିର୍ବାଚନ ପୂର୍ବରୁ ଇଣ୍ଡିଆ ଟୁଡେ ଏବଂ ସି ଭୋଟର ମିଳିତ ଭାବେ ଯେଉଁ ସର୍ଭେ କରିଛନ୍ତି। ସେହି ସର୍ଭେ ରେ ବିଜେପିକୁ ଫାଇଦା ମିଳିବାର ଅନୁମାନ କରାଯାଇଛି । ଉପ ନିର୍ବାଚନରେ ଏସପି ଏବଂ କଂଗ୍ରେସର ସେଭଳି କିଛି ଲାଭ ହେବନାହିଁ ବୋଲି ଆଲୋଚନା ହେଉଛି ।
ସର୍ଭେ ମାଧ୍ୟମରେ ବାହାରିଥିବା ରିପୋର୍ଟରେ କୁହାଯାଇଛି 50 ପ୍ରତିଶତରୁ ଅଧିକ ଲୋକ ବିଜେପିକୁ ଏବେ ବି ସମର୍ଥନ କରୁଛନ୍ତି । ରାଜ୍ୟରେ ମୋଦି ଏବଂ ଯୋଗୀଙ୍କ ଲୋକପ୍ରିୟତା ବଢ଼ିଛି । ଲୋକେ ଏବେ ବି ବିଜେପିକୁ ପ୍ରଥମ ପସନ୍ଦ କହିଛନ୍ତି । ଆଜି ରାଜ୍ୟରେ ଲୋକସଭା ନିର୍ବାଚନ ଅନୁଷ୍ଠିତ ହୁଏ, ତେବେ ଏନଡିଏ ମିଳିତ ମଞ୍ଚ ଗତଥର ଅପେକ୍ଷା ପୁଣି ଚାରିଟି ଆସନ ଅଧିକା ପାଇ ବିଜୟୀ ହେବ । ଏସପି-କଂଗ୍ରେସ ମେଂଟ ଚାରିଟି କମ ଆସନ ପାଇବ ଆଉ ସେଭଳି ସଫଳତା ପାଇବ ନାହିଁ ।
ରିପୋର୍ଟରେ କୁହାଯାଇଛି ୟୁପିରେ ଯଦି ଲୋକସଭା ପାଇଁ ନିର୍ବାଚନ ଅନୁଷ୍ଠିତ ହୁଏ, ତେବେ ଇଣ୍ଡିଆ ମଞ୍ଚ 40 ଟି ସିଟ୍ ପାଇପାରେ। ସେଥିମଧ୍ୟରୁ ଏସପି 34 ଟି ଆସନ ଏବଂ କଂଗ୍ରେସରେ 6 ଟି ସିଟ୍ ରହିଛି। ଏଥି ସହିତ, ବିଜେପି ନେତୃତ୍ୱାଧୀନ ଏନଡିଏ ମିଳିତ ମଞ୍ଚ ଏହି ସର୍ଭେରେ ପୁଣି ଅଧିକ ଆସନ ଜିତିୁଥିବା ଜଣାପଡିଛି। ଯେଉଁଥିରେ ବିଜେପି 36 ଟି ସିଟ୍ ପାଇଥିବାବେଳେ ଏହାର ସହଯୋଗୀ ଆରଏଲଡି ଏବଂ ଅପନା ଦଳ (ଏସ୍) ପ୍ରତ୍ୟେକ 2 ଟି ସିଟ୍ ପାଇପାରିବେ। ଏହି ପରି ଭାବରେ, ଏନଡିଏ ମିଳିତ ମଞ୍ଚ ସର୍ଭେରେ 4 ଟି ସିଟ୍ ହାସଲ କରୁଥିବା ଜଣାପଡିଛି। ଯେଉଁଠାରେ ବିଏସପି ପୁଣି ଥରେ ନିରାଶାର ସମ୍ମୁଖୀନ ହେଉଥିବା ଜଣାପଡିଛି। ଏଠାରେ ମଧ୍ୟ ତାଙ୍କ ଖାତା ଖୋଲିବା ପରି ମନେ ହେଉନାହିଁ |
ଯଦି ଆମେ ୟୁପିର 2024 ଲୋକସଭା ନିର୍ବାଚନ ଫଳାଫଳ ବିଷୟରେ ଆଲୋଚନା କରିବା, ତେବେ 43 ଟି ସିଟ୍ ଜିତିବାରେ ଇଣ୍ଡି ମିଳିତ ମଞ୍ଚ ସଫଳ ହୋଇଥିଲା। ସେଥିମଧ୍ୟରୁ ଏସପି 37 ଟି ଆସନ ଏବଂ କଂଗ୍ରେସ 6 ଟି ସିଟ୍ ରହିଥିଲା । ଏଥିସହ ବିଜେପି ଏକ ବଡ଼ ଧରଣର ଘାଟାର ସମ୍ମୁଖୀନ ହୋଇଥିଲା ଏବଂ କେବଳ 33 ସାଂସଦ ଜିତିବାରେ ସଫଳ ହୋଇଥିଲା। ୟୁପିରେ ବିଜେପିର ସହଯୋଗୀ ଆରଏଲଡି ଦୁଇଟି ଆସନ, ଅନୁପ୍ରିଆ ପଟେଲଙ୍କ ଦଳ ଅପନା ଦଳ ଗୋଟିଏ ଆସନ ଜିତିଛି। ଏହିପରି, ୟୁପିରେ 36 ଟି ସିଟ୍ ଜିତିବାରେ ଏନଡିଏ ସଫଳ ହୋଇଥିଲା |
ୟୁପିରେ ଏନଡିଏ ର ସମର୍ଥନ ଆଧାର ପୁଣି ବୃଦ୍ଧି ପାଉଛି
2024 ଲୋକସଭା ନିର୍ବାଚନରେ ନିରାଶାଜନକ ପ୍ରଦର୍ଶନ ପରେ, ପୁଣିଥରେ ୟୁପିରେ ଏନଡିଏ ମିଳିତ ମଞ୍ଚର ସମର୍ଥନ ବଢ଼ିଛି । ସର୍ଭେ ତଥ୍ୟକୁ ଦେଖିଲେ ଏହା ସ୍ପଷ୍ଟ ହେଉଛି ଯେ ୟୁପିରେ ବିଜେପି ନେତୃତ୍ୱାଧୀନ ଏନଡିଏ ମିଳିତ ମଞ୍ଚର ଭୋଟ୍ ପ୍ରତିଶତ 2 ପ୍ରତିଶତରୁ ଅଧିକ ହୋଇପାରେ। ଏନଡିଏର ଭୋଟ୍ ଅଂଶ 45.5 ପ୍ରତିଶତକୁ ବୃଦ୍ଧି ପାଇବ ବୋଲି ଆଶା କରାଯାଉଛି। ଏଥି ସହିତ ଇଣ୍ଡି ସହଯୋଗୀ ଦଳ 43 ପ୍ରତିଶତ ଭୋଟ୍ ପାଇପାରିବ। ଅନ୍ୟମାନଙ୍କ ଭୋଟ୍ ଅଂଶ 11.5 ପ୍ରତିଶତ ବୋଲି ଆକଳନ କରାଯାଇଛି। ଏଥିରୁ ଯାହା ସ୍ପଷ୍ଟ ହେଉଛି ତାହା ହେଲା ଉପନିର୍ବାଚନରେ ବିଜେପି ନିଶ୍ଚୟ ଇଣ୍ଡି ମେଂଟ ଉପରେ ଭାରି ପଡ଼ିବ ।
