ବିଶିଷ୍ଟ ବୈଜ୍ଞାନିକଙ୍କୁ ରାଷ୍ଟ୍ରୀୟ ବିଜ୍ଞାନ ପୁରସ୍କାର ପ୍ରଦାନ କଲେ ରାଷ୍ଟ୍ରପତି

ରାଷ୍ଟ୍ରପତି ଦୌପଦୀ ମୁର୍ମୁ ଆଜି ରାଷ୍ଟ୍ରପତି ଭବନରେ ବିଶିଷ୍ଟ ଓ ବିଶିଷ୍ଟ ବୈଜ୍ଞାନିକଙ୍କୁ ରାଷ୍ଟ୍ରୀୟ ବିଜ୍ଞାନ ପୁରସ୍କାର 2024 ପ୍ରଦାନ କରିଛନ୍ତି । ପ୍ରଫେସର ଗୋବିନ୍ଦରାଜନ ପଦ୍ମନାଭନଙ୍କୁ ରାଷ୍ଟ୍ରପତି ବିଜ୍ଞାନ  ରତ୍ନ 2024 ପୁରସ୍କାର ପ୍ରଦାନ କରିଥିଲେ । କୃଷି ବିଜ୍ଞାନ କ୍ଷେତ୍ରରେ ଡ଼. ଆନନ୍ଦ ରାମକ୍ରିଷ୍ଣନଙ୍କୁ ବିଜ୍ଞାନ ଶ୍ରୀ ପୁରସ୍କାର ପ୍ରଦାନ କରାଯାଇଥିଲା । ଆଣବିକ ଶକ୍ତି କ୍ଷେତ୍ରରେ ବିଜ୍ଞାନ ଶ୍ରୀ ପୁରସ୍କାରରେ ସମ୍ମାନୀତ ହୋଇଛନ୍ତି ମୁମ୍ବାଇର ଭାବା ଆଣବିକ ଗବେଷଣା କେନ୍ଦ୍ରର ଡ଼କ୍ଟର ଆବେଶ କୁମାର ତ୍ୟାଗୀ । ପୁଣେସ୍ଥିତ ଭାରତୀୟ ବିଜ୍ଞାନ ଶିକ୍ଷା  ଓ ଗବେଷଣାପ୍ରତିଷ୍ଠାନର ପ୍ରଫେସର ଜୟନ୍ତ ଭାଲଚନ୍ଦ ଉଦଗାଓ୍ଁକରଙ୍କୁ ଜୈବ ବିଜ୍ଞାନ ଶ୍ରୀ ପୁରସ୍କାର ପ୍ରଦାନ କରାଯାଇଛି । ମହାକାଶ ବିଜ୍ଞାନ ଓ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଟିମ ଚନ୍ଦ୍ରଯାନ 3 କୁ ରାଷ୍ଟ୍ରପତି ଦୌପଦୀ ମୁର୍ମୁ ବିଜ୍ଞାନ ଟିମ ଆଓ୍ବାର୍ଡ଼ ପ୍ରଦାନ କରିଛନ୍ତି । ଚନ୍ଦ୍ରଯାନ 3 ଅଭିଯାନର ସଫଳ ସମାପନ ଦେଶର ସୁବଠାରୁ ବଡ଼ ବୈଜ୍ଞାନିକ  ଉପଲବ୍ଧି ଏବଂ ଭାରତୀୟ ମହାକାଶ ଗବେଷଣା ସଂଗଠନର ବୈଜ୍ଞାନିକ ଦଳ ଦ୍ବାରା ପ୍ରଯୁକ୍ତିବିଦ୍ୟାର ବିଭିନ୍ନ କ୍ଷେତ୍ରରେ ଅବଦାନକୁ ପ୍ରତିନିଧିତ୍ବ କରେ  ।