ଭିନେଶଙ୍କୁ ମିଳିବ କି ସିଲଭର ମେଡ଼ାଲ

ଭାରତକୁ ମିଳିବ କି ଆଉ ଏକ ସିଲଭର ମେଡାଲ । ପାଇବେ କି ଭଲ ଖବର ଭିନେଶ ଫେଗାଟ୍ । ପ୍ୟାରିସ ଅଲିମ୍ପିକ୍ସ ଶେଷ ହେବା ପରେ ଆଜି ଭାରତୀୟ ଦଳ ସ୍ବଦେଶ ଫେରୁଛି । କିନ୍ତୁ ସେମିଫାଇନାଲ ବିଜୟୀ ହୋଇଥିବା ଭିନେଶଙ୍କୁ ମେଡାଲ ମିଳିନାହିଁ । କାରଣ ହେଉଛି ତାଙ୍କର ଓଜନକୁ ନେଇ ବିବାଦ ରହିଛି । ଭିନେଶ ଫେଗାଟ ଫରିବେ କି ନାହିଁ ତାହା ସ୍ବଷ୍ଟ ହୋଇନାହିଁ । ଗତକାଲି ଭିନେଶଙ୍କୁ ଅଲିମ୍ପିକ୍ସ କ୍ରୀଡ଼ା ଗ୍ରାମରୁ ବାହାରୁ ଥିବାର ଦେଖିବାକୁ ମିଳିଛି । ଆଜି ଭିନେଶଙ୍କ ସିଲଭର ମେଡ଼ାଲକୁ ନେଇ ରାୟ ଆସିବାର ଅଛି । ରାୟ ଆସିବା ପୂର୍ବରୁ ସେ ଭାରତ ଫେରିନପାରନ୍ତି । ଚୂଡ଼ାନ୍ତ ରାୟ ଆସିବା ପରେ ଭିନେଶ ଆସନ୍ତାକାଲି ଭାରତ ଫେରିବାର ଯଥେଷ୍ଟ ସମ୍ଭାବନା ରହିଛି । ପ୍ୟାରିସ ଅଲିମ୍ପିକ୍ସ ଜୁଲାଇ 26 ରୁ ଅଗଷ୍ଟ 11 ତାରିଖ ପର୍ଯ୍ୟନ୍ତ  ଅନୁଷ୍ଠିତ ହୋଇଥିଲା । ଅଲିମ୍ପିକ୍ସ ଶେଷ ହେବା ପରେ ଅନେକ ଆଟଲେଟ ଭାରତ ଫେରି ଆସିଛନ୍ତି । ହେଲେ ଉଦଯାପନୀ  ସମାରୋହରେ ସାମିଲ ହେବା ପାଇଁ ଥିବା ଆଥଲେଟ୍  ଭାରତ ଫେରିବେ । ତେବେ ଭିନେଶଙ୍କ ଭାଗ୍ୟ କଣ ହେଉଛି ତାକୁ ନେଇ ସମସ୍ତଙ୍କ ଅପେକ୍ଷା ରହିଛି ।