ଇଲେକ୍ଟୋରାଲ ବଣ୍ଡ ମାମଲାରେ ସୁପ୍ରିମକୋର୍ଟ ଏସଆଇଟି ଯାଞ୍ଚ ଆବେଦନକୁ ଖାରଜ କରିଦେଇଛନ୍ତି । ସୁପ୍ରିମକୋର୍ଟ ଶୁକ୍ରବାର ଦିନ ଅବସରପ୍ରାପ୍ତ ଏସସି ବିଚାରପତିଙ୍କ ତତ୍ବବଧାନରେ ଚାରିଟି ଜନସ୍ୱାର୍ଥ ମାମଲା (ପିଏଲଏସ୍) କୁ ଶୁଣାଣି କରିବାକୁ ମନା କରି ଦେଇଛନ୍ତି। ପ୍ରଧାନ ବିଚାରପତି (ସିଜେଇ) ଡି ଓ୍ବାଇ ଚନ୍ଦ୍ରଚୁଡ଼ଙ୍କ ନେତୃତ୍ୱରେ ଶୀର୍ଷ ଅଦାଲତର ଏକ ବେଞ୍ଚ କହିଛନ୍ତି ଯେ ସାଧାରଣ ଆଇନ ଅନୁଯାୟୀ ଉପଯୁକ୍ତ ପ୍ରତିକାର ବ୍ୟବସ୍ଥା ଗ୍ରହଣ କରିବା ଆବେଦନକାରୀଙ୍କ ପାଇଁ ଖୋଲା ଅଛି। ଯଦି ସେମାନଙ୍କର ଅଭିଯୋଗର କିଛି ପ୍ରମାଣ ନାହିଁ ସେଭଳି କିଛି ରିପୋର୍ଟ ଦାଖଲ କରାଯାଇ ନାହିଁ, ତେବେ ସେମାନେ ରିପୋର୍ଟ ସହ ହାଇକୋର୍ଟ କିମ୍ବା ସୁପ୍ରିମକୋର୍ଟଙ୍କ ନିକଟକୁ ଯାଇପାରିବେ । ଆବେଦନକାରୀ ଦାବି କରିଛନ୍ତି ଯେ ନିର୍ବାଚନ ବଣ୍ଡ ମାଧ୍ୟମରେ ଅଜ୍ଞାତ ଦାନ ଯୋଜନାରେ ଏସସି ଦ୍ୱାରା ପ୍ରଭାବିତ ହୋଇଥିବା ଭାରତୀୟ ଗଣତନ୍ତ୍ର ଏବଂ ରାଜନୀତିରେ ଏହାର ପ୍ରଭାବ ରହିଛି। ଏହି ମାମଲାରେ ହସ୍ତକ୍ଷେପ କରିବାକୁ ମନା କରିଦେଇଥିବାବେଳେ ସର୍ବୋଚ୍ଚ ନ୍ୟାୟାଳୟ କହିଛନ୍ତି ଯେ ଯେତେବେଳେ ସାଧାରଣ ଅପରାଧିକ ଆଇନ ଭିତରେ ଏହାକୁ ରଖାଯାଇନାହିଁ । ତେଣୁ କୋର୍ଟ ଆଦେଶ ଦେଇପାରିବ ନାହିଁ।ଏହି ମାମଲାରେ ଏସଆଇଟି ଯାଞ୍ଚ ହେବନି ବୋଲି କୋର୍ଟ କହିଛନ୍ତି । କୋର୍ଟ କହିଛନ୍ତି ଯେ, ନିୟମ ମୁତାବକ ଏହି ଆବେଦନକୁ ଗ୍ରହଣ କରିବା ଉଚିତ୍ ନୁହେଁ । ଆବେଦନକାରୀ ଏହା ବିରୋଧରେ ହାଇକୋର୍ଟ ଯାଇପାରିବେ ବୋଲି କୋର୍ଟ କହିଛନ୍ତି ।ଶୁଣାଣି ସମୟରେ ଆବେଦନକରାରୀଙ୍କ ଓକିଲ ପ୍ରଶାନ୍ତ ଭୂଷଣ କହିଥିଲେ ଯେ, ଏହି ମାମଲା ହବାଲା କାଣ୍ଡ, କୋଇଲା ଘୋଟାଲା ଭଳି ଅଟେ । ଏହା ଦେଶର ସବୁଠୁ ଖରାପ ବିତ୍ତୀୟ ଘୋଟାଲା ବୋଲି ସେ କହିଥିଲେ । ତେବେ ଏହାର ଜବାବରେ ମୁଖ୍ୟ ବିଚାରପତି କହିଥିଲେ ଯେ, ଆମେ ଏହାର ଖୁଲାସା କରିବାକୁ ଆଦେଶ ଦେଇଛୁ । ଏହାକୁ ରଦ୍ଦ ମଧ୍ୟ କରିଦେଇଛୁ ।
ଇଲେକ୍ଟୋରାଲ ବଣ୍ଡ ମାମଲା: ଏସଆଇଟ ଯାଞ୍ଚ ଆବେଦନକୁ ଖାରଜ କଲେ କୋର୍ଟ
