ନନ୍ଦନକାନନ ପ୍ରାଣୀ ଉଦ୍ୟାନରେ ଶୋକର ଛାୟା ଖେଳିଯାଇଛି । ଆଜି ଭୋର4 ଟା 42 ମସୟରେ ପ୍ରାଣୀ ଉଦ୍ୟାନରେ ଥିବା ବାଘୁଣୀ ସାରା ର ମୃତ୍ୟୁ ଘଟିଛି । 2009 ମସିହାରେ ପ୍ରାଣୀ ଉଦ୍ୟାନକୁ ଆସିଥିବା ବାଘୁଣୀ ସାରା ଆଖି ବୁଜିଛି । ମୃତ୍ୟୁ ବେଳକୁ 18 ବର୍ଷ ଏକମାସ ବୟସ ହୋଇଥିବା ପ୍ରାଣୀ ଉଦ୍ୟାନ ପକ୍ଷରୁ କୁହାଯାଇଛି । ସାରା ବାର୍ଦ୍ଧକ୍ୟଜନିତ ରୋଗରେ ଆକ୍ରାନ୍ତ ହୋଇଥିବା କୁହାଯାଇଛି । କିଛିଦିନ ହେବ ସାରା ଠିକ ଭାବେ ଖାଦ୍ୟ ଖାଉ ନଥିଲା । ପ୍ରାଣୀ ଉଦ୍ୟାନ ଚିକିସଙ୍କ ଦ୍ବାରା ସାରା ର ଚିକିସା କରାଯାଉଥିଲା । ପ୍ରାଣୀ ଅଦଳବଦଳ ପ୍ରକ୍ରିୟାରେ ଭୋପାଳ ଚିଡ଼ିଆଖାନାରୁ 2009 ରେ ବାଘଣୀ ସାରା ନନ୍ଦନକାନନ ଆସିଥିଲା । ପ୍ରତି ବଦଳରେ ନନ୍ଦନକାନନ ଗୋଟିଏ ଧଳାବାଘ ଦିଆଯାଇଥିଲା । ସାରା ମୃତ୍ୟୁ ପରେ ନନ୍ଦନକାନନ ପ୍ରାଣୀ ଉଦ୍ୟାନରେ ବାଘ ସଂଖ୍ୟା 26କୁ ଖସି ଆସିଛି ।
