ଟି 20 ବିଶ୍ବକପ
2024 ର ଲିଗ ପର୍ଯ୍ୟାୟ ଏବେ ଶେଷ ହୋଇଛି । ସୁପର 8 ଟିମ ପୂର୍ବରୁ ସ୍ପଷ୍ଟ ହୋଇଥିଲା କିନ୍ତୁ
ବଳକା ଥିବା କିଛି ମ୍ୟାଚ ଖେଳା ଯାଇଥିଲା । ଏବେ ମୋଟ 8 ଟିମ, ଯେଉଁମାନେ ପରବର୍ତୀ ରାଉଣ୍ଡକୁ
ଯିବେ ସ୍ଥିର ହୋଇଛି । ଅନ୍ୟପଟେ 12ଟି ଟିମର ଯାତ୍ରା ଏଇଠି ଶେଷ ହୋଇଛି । ଖେଳରୁ ବିଦା
ହୋଇଥିବା 12 ଟିମ ମଧ୍ୟରେ ଏପରି ଚାରି ଟିମ ଅଛନ୍ତି ଯେଉଁମାନେ ବିଶ୍ବକପରେ ଗୋଟିଏ ବି ମ୍ୟାଚ
ଜିତିପାରି ନାହାନ୍ତି ।
ଭାରତ ଯେଉଁ
ଗ୍ରୁପରେ ଥିଲା ସେଥିରୁ ଟିମ ଇଣ୍ଡିଆ ବ୍ୟତୀତ ଆମେରିକା ସୁପର 8 ରେ ନିଜ ସ୍ଥାନ ପକ୍କା
କରିଛନ୍ତି ।ପାକିସ୍ଥାନ , କାନାଡ଼ା ଏବଂ ଆୟରଲାଣ୍ଡ ବାହାର ହୋଇଛନ୍ତି । ଏଥିରେ ଆୟରଲାଣ୍ଡ ଟିମ
ଗୋଟିଏ ବି ମ୍ୟାଚ ଜିତିପାରି ନାହିଁ । ଟିମର ଗୋଟିଏ ମ୍ୟାଚ ବର୍ଷା ଯୋଗୁଁ ବାତିଲ ହୋଇଥିଲା,
ତେଣୁ ଟିମକୁ ଗୋଟିଏ ଅଙ୍କ ମିଳିଥିଲା । ସେହିପରି ଗ୍ରୁପ ବି ରୁ ଅଷ୍ଟ୍ରେଲିଆ ଏବଂ ଇଂଲଣ୍ଡ ପରବର୍ତୀ
ରାଉଣ୍ଡକୁ ଯାଇଛନ୍ତି । ଏହି ଗ୍ରୁପରେ ଥିବା ଓମାନ ଟିମ ଚଳିତ ବର୍ଷ ଗୋଟିଏ ମ୍ୟାଚ ଜିତିପାରି
ନାହିଁ । ଟି 20 ବିଶ୍ପକପର ଗ୍ରୁପ ସିରେ ଓ୍ବେଷ୍ଟଇଣ୍ଡିଜ ଏବଂ ଆଫଗାନିସ୍ତାନ ପରବର୍ତୀ ରାଉଣ୍ଡ ପାଇଁ କ୍ବାଲିପାଏ କରିଛନ୍ତି । ଏହି ଗ୍ରୁପର
ଟିମ ପିଏଜନଜିର ସ୍ଥିତି ମଧ୍ୟ ସମାନ ରହିଛି । ଟିମ ଚାରୋଟି ମ୍ୟାଚ ଖେଳି କୌଣସି ମ୍ୟାଚ ବି
ଜିତି ପାରିନି । ସେହିପରି ଗ୍ରୁପ ଡ଼ି ରୁ ଦକ୍ଷିଣ ଆଫ୍ରିକା ଏବଂ ବାଂଲାଦେଶ ଟିମ ସୁପର 8ରେ ସାମିଲ
ହୋଇଛନ୍ତି । ଏହି ଗ୍ରୁପରୁ ନେପାଳ ଟିମ ତିନୋଟି ମ୍ୟାଚ ହାରିଛି । ଅନ୍ୟପଟେ ଗୋଟିଏ ମ୍ୟାଚ
ବର୍ଷା କାରଣରୁ ହୋଇପାରି ନଥିଲା । ଟିମ ଗୋଟିଏ ଅଙ୍କ ପାଇଥିବା ବେଳେ ଗୋଟିଏ ବି ଜିତିପାରି
ନଥିଲା ।
