ଆମେରିକା ଏବଂ ଓ୍ବେଷ୍ଟଇଣ୍ଡିଜରେ
ମିଳିତ ଭାବେ ଆୟୋଜିତ ଟି 20 ବିଶ୍ବକପ ସୁପର 8 ପର୍ଯ୍ୟାୟରେ ପହଞ୍ଚିବାକୁ ଯାଉଛି । ଆଉ ମାତ୍ର
2ଟି ଲିଗ ମ୍ୟାଚ ବାକି ରହିଛି । ସୋମବାର ନ୍ୟୁଜିଲାଣ୍ଡ ଓ ପପୁଆ ନିଉଗିନି ଏବଂ ମଙ୍ଗଳବାର
ଓ୍ବେଷ୍ଟଇଣ୍ଡିଜ ଓ ଆଫଗାନିସ୍ତାନ ମଧ୍ୟରେ ଶେଷ ଲିଗ ମ୍ୟାଚ ଖେଳାଯିବ । ତେବେ ଏହି ଦୁଇଟି
ମ୍ୟାଚର ପ୍ରଭାବ ସୁପର 8ରେ ପଡ଼ିବ ନାହିଁ । ଜୁନ 19ରୁ ସୁପର ପର୍ଯ୍ୟାୟ ଆରମ୍ଭ ହେବାକୁ ଥିବାବେଳେ
8 ଟି ଦଳ ଚୟନ ହୋଇସାରିଛନ୍ତି ।

ଚଳିତ ଟି 20 ବିଶ୍ବକପରେ 20 ଟି
ଦଳ ଅଂଶଗ୍ରହଣ କରିଥିଲେ । 5 ଟି ଲେଖାଏଁ ଦଳକୁ 4ଟି ଗ୍ରୁପରେ ବିଭକ୍ତ କରାଯାଇ ଲିଗ ମ୍ୟାଚ ଖେଳାଯାଇଥିଲା
। ପଏଣ୍ଟ ତାଲିକାରେ ଶୀର୍ଷରେ ଥିବା 2ଟି ଲେଖାଏ ଟିମ ସୁପର 8 ରେ ପ୍ରବେଶ କରିଛନ୍ତି । ଏଥର ସୁପର
8 ରେ ନ୍ୟୁଜିଲାଣ୍ଡ , ପାକିସ୍ତାନ, ଏବଂ ଶ୍ରୀଲଙ୍କା ଭଳି ପୂର୍ବତନ ଚାମ୍ପିୟନ ଦଳଙ୍କୁ
ଦେଖିବାକୁ ମିଳିବ ନାହିଁ । ଏମାନଙ୍କ ସ୍ଥାନରେ ଆମେରିକା ଆଫଗାନିସ୍ତାନ ଭଳି ନୂଆ ଦଳ ସ୍ଥାନ
ପାଇଛନ୍ତି । ଏତର ଭାରତ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ, ଆଫଗାନିସ୍ତାନ, ଆମେରିକା, ଇଂଲଣ୍ଡ ଏବଂ ବାଂଲାଦେଶ ସୁପର-୮ରେ ପ୍ରବେଶ
କରିଛନ୍ତି।