ରଜ ଉପଲକ୍ଷେ ରିଲିଜ
ହେଲା ଓଡ଼ିଆ ସୁପରଷ୍ଟାର ବାବୁଶାନ ମହାନ୍ତିଙ୍କ ଫିଲ୍ମ ପାବାର । ଏହି ଫିଲ୍ମରେ ବାବୁଶାନଙ୍କ ସହ
ଅଭିନେତ୍ରୀଙ୍କ ଏଲିନାଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଛି । ରଜ ଅବସରରେ ଓଡ଼ିଆ ବାସ୍ନା
ଥିବା ଏହି ଫିଲ୍ମର କାହାଣୀ ଓ ସମସ୍ତ ଗୀତ ଦର୍ଶକଙ୍କୁ ବେଶ ଛୁଇଁଛି । ଏହି ଫିଲ୍ମ ଦେଖିବାକୁ
ବିଭିନ୍ନ ପ୍ରେକ୍ଷାଳୟରେ ଦର୍ଶକଙ୍କ ଭିଡ଼ ଦେଖିବାକୁ ମିଳିଥିଲା । ସେହିପରି ସ୍ବାତୀ ଓ ମହାରାଜା ସିନେମା ହଲରେ ବାବୁଶାନ ଫିଲ୍ମ ପ୍ରଡ଼କ୍ସନର
ପାବାରର ପ୍ରିମିୟର ସୋ ହୋଇଥିଲା । ରଜ ଉପଲକ୍ଷେ ରିଲିଜ ହୋଇଥିବା ପାବାର ରାଜ୍ୟରେ 50 ଟି
ସିନେମା ହଲରେ ଆାଜି ମୁକ୍ତିଲାଭ କରିଛି ।
ତୁପ୍ତି ଶତପଥୀଙ୍କ
ପ୍ରଯୋଜିତ ଓ ଆଶୋକ ପତିଙ୍କ ନିର୍ଦେଶିତ ଫିଲ୍ମ ପାବାର ର ପ୍ରମୁଖ ଭୂମିକାରେ ଥିବା ବାବୁଶାନ ଓ
ଏଲିନା ରହିଛନ୍ତି । ଉଭୟଙ୍କ ଦୀର୍ଘ 8 ବର୍ଷ ପରେ ବଡ଼ ପରଦାରେ ଏକାଠି ଦେଖିବାକୁ ମିଳିଛି । ଅନ୍ୟାନ୍ୟ
ପ୍ରମୁଖ ଚରିତ୍ରରେ ଅପରାଜିତା ମହାନ୍ତି , ଜୟପ୍ରକାଶ ଦାଶ, କ୍ରିଷ୍ଣା କର, ବିବି ମିଶ୍ର, ପପୁ ପମପମ , ରବି ମିଶ୍ର, ଅନୁଗୁଳିଆ
ବଣ୍ଟି , ସୋମୁ ଭକ୍ତି ଓ ବାପି ପ୍ରମୁଖ ଅଭିନୟ କରିଛନ୍ତି । ପ୍ରିମିୟରରେ ଏମାନେ ସମସ୍ତେ ଉପସ୍ଥିତ ଥିଲେ । ଯୁବ ସଙ୍ଗୀତ
ନିଦ୍ଦେଶକ ଗୌରବ ଆନନ୍ଦ ଏଥିରେ କମାଲ କରିଛନ୍ତି ବୋଲି କୁହାଯାଉଛି । ପାବାର ର ନାଲିଶାଢୀ ଓ ଲାଲ ଟହ ଟହ
ଗୀତ ସମୟରେ ହଲରେ ଦର୍ଶକ ନାଚି ଉଠିଥିଲେ ।
