ଆଜି ବିଜେପିର ବିଧାୟକ ଦଳ ବୈଠକ ବସିବ 

ଓଡ଼ିଶାରେ କିଏ ହେବ ମୁଖ୍ୟମନ୍ତ୍ରୀ  । ସମୟ ଗଡ଼ୁଛି ସମପେନ୍ସ ବଢୁଛି । ଓଡ଼ିଶାର ନୂଆ ମୁଖ୍ୟମନ୍ତ୍ରୀ
ନେଇଳ ଅନେକ ଚର୍ଚ୍ଚା ବି
କରାଯାଉଛି ।  ନିର୍ବାଚନ ଫଳାଫଳ
ଘୋଷଣାର ଗୋଟିଏ ସପ୍ତାହ ହୋଇଥିଲେ ବି କିଏ ମୁଖ୍ୟମନ୍ତ୍ରୀ ହେବେ ଏଯାଏଁ କାହାରିକୁ ଜଣାନାହିଁ
। କେବଳ ବିଜେପି ନେତା ଓ କର୍ମୀ ନୁହିଁନ୍ତି । ସାରା ରାଜ୍ୟବାସୀ ଚାହିଁ ବସିଛନ୍ତି ଏ ବିଷୟରେ
ଜାଣିବା ପାଇଁ ।

ଆଜି ବିଜେପିର ବିଧାୟକ ଦଳ ବୈଠକ ବସିବ ଏବଂ ବୈଠକରେ ସର୍ବସମ୍ମତି କ୍ରମେ
ମୁଖ୍ୟମନ୍ତ୍ରୀ ଚୟନ କରାଯିବ । ଏହା ପରେ ମୁଖ୍ୟମନ୍ତ୍ରୀଙ୍କ ନାଁ ଘୋଷଣା କରାଯିବ ବୋଲି ସୂଚନା
ମିଳିଛି । ବିଜେପି ରାଜ୍ୟ ସଭାପତି ମନମୋହନ ସାମଲ , ବ୍ରଜରାଜନଗର ବିଧାୟକ ସୁରେଶ ପୂଜାରୀ ,
କୁଚିଣ୍ଡା ବିଧାୟକ ରବି ଦାସ । ସେହିପରି ଲୋଇସିଂହା ବିଧାୟକ ମୁକେଶ ମହାଲିଙ୍ଗ ଓ କେନ୍ଦୁଝର
ବିଧାୟକ ମୋହନ ମାଝୀ , ବିଧାୟକ କନକ ବର୍ଦ୍ଧନ ସିଂଦେଓଙ୍କ ନାଁ ମଧ୍ୟ
ଚର୍ଚ୍ଚାରେ ରହିଛି । ଅନ୍ୟପଟେ ଚର୍ଚ୍ଚା ହେଉଛି ଦୁଇ ଜଣଙ୍କୁ ଉପ ମୁଖ୍ୟମନ୍ତ୍ରୀ କରିପାରେ
ବିଜେପି । ତେବେ ରେସରେ ଅନେକ ନାଁ ରହିଥିବାବେଳେ, କେଉଁଥିରେ
ବାଜିବ ମୋହର ତାହା ଉପରେ ସମସ୍ତଙ୍କ ନଜର ।