କିରଣ ଭାରତୀୟ ବାଳିକା ଦଳ ପ୍ରଶିକ୍ଷକ

ଓଡ଼ିଶାର ପ୍ରଥମ ଡ଼ବଲ୍ୟୁଜିଏମ
କିରଣ ମନୀଷା ମହାନ୍ତି ଏସୀୟ ୟୁଥ ଚେସ ପ୍ରତିଯୋଗିତା ଲାଗି ଭାରତୀୟ ବାଳିକା ଦଳର ପ୍ରଶିକ୍ଷକ
ନିଯୁକ୍ତି ହୋଇଛନ୍ତି । ଏହି ପ୍ରତିଯୋଗିତାରେ ଚଳିତ ମାସ 9 ରୁ 21 ତରିଖ ପର୍ଯ୍ୟନ୍ତ କାଜାଖସ୍ତାନର
ଆଲମାଟିରେ ଖେଳାଯିବ । କାଜାଖସ୍ତାନ ଚେସ ମହାସଂଘ ଆନୁକୂଲ୍ୟରେ ଆୟେଜିତ ଏହି ଏସୀୟ ପ୍ରତିଯୋଗିତାରେ
8,10,12,14,16,18 ବର୍ଷରୁ କମ ବୟସ ବର୍ଗରେ ଉଭୟ ବାଳକ ଓ ବାଳିକା ଖେଳାଳିମାନେ ଖେଳିବେ ।

କିରଣ ୨୦୦୩ରେ କେରଳ କାଲିକଟଠାରେ ଏସୀୟ ୟୁଥ ପ୍ରତିଯୋଗିତାରେ ଖେଳି ଅନ୍ତର୍ଜାତୀୟ
ପଦାର୍ପଣ କରିଥିଲେ। ୪ ବର୍ଷ ପରେ ସେ ତାସ୍‌କେଣ୍ଟଠାରେ ଆୟୋଜିତ ଏସୀୟ ୟୁଥ ପ୍ରତିଯୋଗିତାର ୧୮
ବର୍ଷରୁ କମ୍‌ ବାଳିକା ବର୍ଗରେ କାଂସ୍ୟ ଜିତିଥିଲେ। ଦ୍ବିତୀୟ ଥର ଲାଗି କିରଣ ଜାତୀୟ ଦଳର
ପ୍ରଶିକ୍ଷକ ନିଯୁକ୍ତ ହୋଇଛନ୍ତି। ଏହା ପୂର୍ବରୁ ସେ ଏସୀୟ କଣ୍ଟିନେଣ୍ଟାଲ ଚେସ୍‌
ପ୍ରତିଯୋଗିତାରେ ଭାରତୀୟ ମହିଳା ଦଳର ପ୍ରଶିକ୍ଷକ ରହିଥିଲେ। ଆଲମାଟିରେ ଗତ ବର୍ଷ ଜୁନ୍‌ ୩ରୁ
୧୨ ପର୍ଯ୍ୟନ୍ତ ଆୟୋଜିତ ଏହି ପ୍ରତିଯୋଗିତାରେ ତାଙ୍କ ପ୍ରଶିକ୍ଷଣରେ ଭାରତୀୟ ଡବୁଲ୍ୟଜିଏମ୍‌
ଦିବ୍ୟା ଦେଶମୁଖ ଓ ମାରିଆନ ଗୋମ୍ସ ଯଥାକ୍ରମେ ସ୍ବର୍ଣ୍ଣ ଓ ରୌପ୍ୟ ଜିତିଥିଲେ। ଏହି ଦୁଇ ଜଣ ମଧ୍ୟ ୨୦୨୩ ଫିଡେ
ବିଶ୍ବକପ୍‌କୁ ଯୋଗ୍ୟତା ଅର୍ଜନ କରିଥିଲେ।