ଳକ୍ଷ୍ମୀ ବସ,ଲୋଗ ଉଭାନ

ରାଜ୍ୟ ସରକାର ନିର୍ବାଚନ ଠିକ ପୂର୍ବରୁ ଗ୍ରାମାଞ୍ଚଳରେ ସହରକୁ
ପରିବହନ ସୁବିଧା ଦେବା ନିମନ୍ତେ କମ ମୂଲ୍ୟରେ ଳକ୍ଷ୍ମୀ ବସ ଯୋଜନା ଆରମ୍ଭ କରିଥିଲେ । ଯେଉଁଠି
ମହିଳାମାନେ  ମାତ୍ର 5 ଟଙ୍କାରେ ନିଜ ଗାଁରୁ ନିଜ
ବ୍ଲକ ସଦର ମହକୁମାକୁ ଯାତାୟତ କରିପାରୁଛନ୍ତି । ସେଇ ବସଟି ଓଡ଼ିଶା ରାଜ୍ୟ ପରିବହନ ନିଗମ ପକ୍ଷରୁ
ପରିଚାଳିତ ହଉଥିବା ବେଳେ ବସର ଦୁଇ ପାଖରେ ଳକ୍ଷ୍ମୀ ବସ ଲେଖା ଏବଂ ଦୁଇଟି ନର୍ତକୀ ଶଙ୍ଖ
ଫୁଙ୍କୁଥିବା ଷ୍ଟିକର ଲାଗିଥିଲା ।ନିର୍ବାଚନ ତାରିଖ ଘୋଷଣା ସହ ନିର୍ବାଚନ ଆଦର୍ଶ ଆଚରଣ ବିଧି ଲାଗୁ ହେବା ପରେ ଶଙ୍ଖ ଷ୍ଟିକର ଉପରେ ମାଟିଆ ସେଲୋ ଟେପ ଲଗାଯାଇଥିଲା। ହେଲେ ଆଜି ହଠାତ ସକାଳୁ ସ୍ଥାନୀୟ ଅଞ୍ଚଳରେ ଚାଲିଥିବା ଲକ୍ଷ୍ମୀ ବସରେ ଆଉ ଲକ୍ଷ୍ମୀ ଷ୍ଟିକର ଲୋଗ ନର୍ତ୍ତକୀ ଷ୍ଟିକର ଉଭାନ ହୋଇଯାଇଛି। ସମ୍ପୂର୍ଣ୍ଣ ଧଳା ରହିଛି। କୌଣସି ଷ୍ଟିକରର ଚିହ୍ନ ବର୍ଣ୍ଣ ନାହିଁ। ହେଲେ ଏହି ଷ୍ଟିକର କିଏ କାଢ଼ିଲା ଏବଂ କାହା ନିର୍ଦେଶରେ କଢ଼ାଗଲା କାହାପାଖରେ ଖବର ନାହିଁ। ବସ କର୍ମଚାରୀ କିଛି ଜାଣି ନାହାନ୍ତି। କାରଣ ବସ ନିଜ ରୁଟ ସାରି ଫେରି ସ୍ଥାନୀୟ ବ୍ଲକ ପରିସରରେ ବସକୁ ରଖି ନିଜ ନିଜ ଘରକୁ ଯାଇଥାନ୍ତି। ତେଣୁ ସେମାନେ ଜାଣି ନଥିବା କହିଛନ୍ତି। ଆଗକୁ ଏହି ବସ ଚାଲିବ କି ନାହିଁ ସମସ୍ତେ ଦ୍ଵନ୍ଦରେ ରହିଲେଣି। ସତାରୁ ବିଜେଡି ଯାଉ ଯାଉ ଲକ୍ଷ୍ମୀ ବସରୁ ଲକ୍ଷ୍ମୀ ଉଭେଇ ଯିବା ପରେ ଆଗକୁ କଣ ହେବ ତାକୁ ନେଇ ଆଲୋଚନା ପର୍ଯ୍ୟାଲୋଚନା।