ଏକଜିଟ ପୋଲ ଫଳାଫଳାକୁ ନେଇ ଅବକୀ ବାର 400 ପାର ନେତା ନାରା ଦେଇଥିବା
ବିଜେପିର ମନୋବଳ ବୃଦ୍ଧି ପାଇଛି । ଜୁନ 4ରେ ଲୋକସଭା ନିର୍ବାଚନ ଫଳାଫଳ ଭାଜପା ସପକ୍ଷରେ
ରହିବାର ସମ୍ଭବନା ଦେଖି ବିଜେପି ବିଜୟ ଖୁସି ବେଶ ଧୁମଧାମରେ ପାଳନ କରିବା ମୁଡ଼ରେ ରହିଛି । କୁଯାହାଉଛି
ଯେ ଯଦି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 2024 ନିର୍ବାଚନ ଜିତୁଛନ୍ତି ତେବେ ଏକ ଗ୍ରାଣ୍ଡ ରୋଡ଼
ଶୋ କରାଯିବ । ମିଳିଥିବା ସୂଚନା ଅନୁସାରେ ନୂଆଦିଲ୍ଲୀ ସ୍ଥିତ କଲ୍ୟାଣମାରର୍ଗଠାରୁ ରୋଡ଼ ଶୋ ଆରମ୍ଭ
ହୋଇ ବିଜେପି କାର୍ଯ୍ୟାଳୟ
ପର୍ଯ୍ୟନ୍ତ ଅନୁଷ୍ଠିତ ହେବ । ଏଥିରେ 2ରୁ 3 ଲକ୍ଷ ଲୋକଙ୍କ ସମାଗମ ହେବା ଆଶା କରାଯାଉଛି
।
ବିଜେପି ନେତାମାନେ ଭାରତ ମଣ୍ଡପପ, ଯଶୋ ଭୂମି ଏବଂ କର୍ତବ୍ୟ ପଥରେ ବିଜୟ ଉତ୍ସବ ପାଳନ
କରିବା ପାଇଁ ଆାଲୋଚନା କରୁଛନ୍ତି । ମୋଦୀ ସରକାରଙ୍କ ଶପଥ ଗ୍ରହଣ ପରେ ବିଜୟ ଉତ୍ସବକୁ
ବୃହତ ଭାବରେ ପାଳନ ପାଇଁ ସ୍ଥାନ ବଛାଯାଇଥିବା ସୂଚନା ମିଳିଛି । ଏଥିରୁ ସ୍ପଷ୍ଟ ହେଉଛି ଯେ
ମୋଦୀ ସରକାରଙ୍କ ଶପଥ ଗ୍ରହଣ ପରେ ସେହି ଦିନ ଗ୍ରାଣ୍ଡ ରୋଡ଼ ଶୋ ଏବଂ ବିଜୟ ଉତ୍ସବ ପାଳନ
କରାଯିବ। କେଉଁ ସ୍ଥାନରେ ପ୍ରକୃତରେ ଉତ୍ସବ ପାଳନ କରାଯିବ ତାହା ଚୂଡ଼ାନ୍ତ ହୋଇନଥିବା
ବେଳେ ନେତାଙ୍କ ମଧ୍ୟରେ ଉତ୍ସାହ ପ୍ରବଳ ଦେଖିବାକୁ ମିଳିଲାଣି। ସେହିପରି ରାଷ୍ଟ୍ରପତି ଭବନରେ ଶପଥ ଗ୍ରହଣ ଉତ୍ସବ ପାଇଁ ପ୍ରସ୍ତୁତି ଜୋରଦାର ଚାଲିଥିବା ସୂଚନା ମିଳିଛି।
ନିର୍ବାଚନ ଫଳାଫଳ ଆସିବା ପରେ ଜୁନ ୯ରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ।
