ପ୍ରେସମିଟ କରି ବିଜେପି ଉପରେ ବର୍ଷିଛନ୍ତି ବିଜେଡ଼ି
ନେତା ଭିକେ ପାଣ୍ଡିଆନ । କହିଛନ୍ତି ନିଜ ଗୋଡ଼ରେ ନିଜେ କୁରାଢୀ ମାରୁଛି ବିଜେପି । ବିଜେପିର
ମାନିଫେଷ୍ଟକୁ ନେଇ ଲୋକମାନେ ବୁଝି ସାରିଛନ୍ତି । ତେଣୁ ଏହି ମାନିଫେଷ୍ଟରେ ବିଜେପିର 9 ଟି
ସେଲ୍ସ ଗୋଲ ଖୋଦ ବିଜେପି ପାଇଁ ସମସ୍ୟା ସୃଷ୍ଟି କରିଛି । ବିଜେପିର ନିର୍ବାଚନ ଇସ୍ତହାରକୁ
ନେଇ ଟାର୍ଗେଟ କରିଛନ୍ତି ବିଜେଡ଼ି ନେତା ଭିକେ ପାଣ୍ଡିଆନ । ମାନିଫେଷ୍ଟୋରେ ବିଜେପିର 9 ଟି
ସେଲ୍ସ ଗୋଲ ତଥା ନିଜେ ନିଜ ପାଇଁ ସୃଷ୍ଟି କରିଥିବା ସମସ୍ୟାକୁ ନେଇ ସେ କହିଛନ୍ତି । ମହାପ୍ରଭୁ
ଶ୍ରୀଜଗନ୍ନାଥଙ୍କୁ ରାଜନୀତିକୁ ଟାଣିବା ମୁଖ୍ୟମନ୍ତ୍ରୀଙ୍କୁ ଅପମାନିତ କରିବା କଥାକୁ ରାଜ୍ୟବାସୀ
ପସନ୍ଦ କରୁନାହିଁନ୍ତି । ସେହିପରି ମିଶନ ଶକ୍ତି ମହିଳାଙ୍କ ବିରୁଦ୍ଦରେ ଷଡ଼ଯନ୍ତ୍ର ହେଉଛି ।
ବିଜେପିର ମାନିଫେଷ୍ଟୋ କହୁଛି ସରକାରକୁ ଆସିଲେ ପ୍ରଥମେ ମିଶନଶକ୍ତି ବନ୍ଦ ହେବ । ତେଣୁ ମିଶନ
ଶକ୍ତିର 70 ଲକ୍ଷ ମହିଳା ଏକାଠି ହୋଇଛନ୍ତି । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ବନ୍ଦ କରି ଆୟୁଷ୍ମାନ
ଯୋଜନା ଲାଗୁ କରିବାକୁ ଚାହୁଁଛି ବିଜେପି ।ଏହାଦ୍ୱାରା ୪୫ ଲକ୍ଷ ପରିବାର ଏଥିରୁ ନିବୃତ ରହିବେ ।
ବିଏସକେୱାଇରେ ୯୦ ଲକ୍ଷ ପରିବାର ସୁବିଧା ପାଉଛନ୍ତି । ଯୁବପିଢ଼ିଙ୍କ ପାଇଁ ବିଜେପି
ମାନିଫେଷ୍ଟୋରେ ଭିଜନ ନଥିବା କହି ସେ ଟାର୍ଗେଟ କରିଛନ୍ତି । ଆଦିବାସୀଙ୍କ କଳା ସଂସ୍କୃତି ଓ
ଭାଷା ଆଦିର ରକ୍ଷଣବେକ୍ଷଣ ପାଇଁ ମୁଖ୍ୟମନ୍ତ୍ରୀ ସ୍ୱେଶାଲ ଡେଭଲପ କାଉନସିଲ କରିଛନ୍ତି । ହେଲେ
ଡବଲ ଇଞ୍ଜିନ ସରକାର ଥିବା କୌଣସି ରାଜ୍ୟରେ ଏଭଳି ବ୍ୟବସ୍ଥା ନାହିଁ ବୋଲି କହିଛନ୍ତି ପାଣ୍ଡିଆନ୍
।
