ଆଜି ହେଭିଓ୍ବେଟଙ୍କ ପ୍ରଚାର, 3 ଟି ଜିଲ୍ଲାରେ ନବୀନ ଓ ପାଣ୍ଡିଆନଙ୍କ ପ୍ରଚାର 

        ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଜମୁଛି
ପ୍ରଚାର । ମୈଦାନକୁ  ଓହ୍ଲାଇବା ସହ ଦଳୀୟ
ପ୍ରାର୍ଥୀ ଙ୍କ ପାଇଁ ପ୍ରଚାର କରୁଛନ୍ତି ବିଭିନ୍ନ ଦଳର ହେଭିଓ୍ବେଟ ନେତା । ଆଜି ମୁଖ୍ୟମନ୍ତ୍ରୀ
ନବୀନ ପଟ୍ଟନାୟକ କେନ୍ଦ୍ରାପଡ଼ା , ଜଗତସିଂହପୁର, ଗସ୍ତରେ ଯାଇ ଦଳୀୟ ସାଂସଦ ଓ ବିଧାୟକ
ପ୍ରାର୍ଥୀଙ୍କ ପାଇଁ ପ୍ରଚାର କରିବାର କାର୍ଯ୍ୟକ୍ରମ ରହିଛି । ପ୍ରଥମେ ସକଳା 10 ଟା 45ରେ ମୁଖ୍ୟମନ୍ତ୍ରୀ  କେନ୍ଦ୍ରାପଡ଼ାରେ ନିର୍ବାଚନ ସଭାରେ ଯୋଗଦେବେ । ପରେ
ଦିନ 12 ଟା ରାହାମ୍ବା ଏବଂ 12 ଟା 55 ମିନିଟରେ ଜଗତସିଂହପୁର ନିର୍ବାଚନ ସଭାରେ ଯୋଗଦେବେ ।
ସେହିପରି ବରିଷ୍ଠ ନେତା ଭିକେ ପାଣ୍ଡିଆନ ମଧ୍ୟ ଭଦ୍ରକ ଗସ୍ତରେ ଯାଇ ଅପରାହ୍ନରେ ବାସୁଦେବପୁର , ତିହିଡ଼ରେ
ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବା ସହ ରୋଡ଼ ଶୋ କରିବାର କାର୍ଯ୍ୟକ୍ରମ ରହିଛି । ସେପଟେ
ବିଜେପି ପକ୍ଷରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଆଜି ଦିନ ତମାମ ମୟୁରଭଞ୍ଜ,
ବାଲେଶ୍ବର, ଭଦ୍ରକ , ଯାଗପୁରର ବିଭିନ୍ନ ନିର୍ବାଚନ  ମଣ୍ଡଳୀରେ ମାରାଥନ ନିର୍ବାଚନ ପ୍ରଚାର କରିବା ସହ
ବିଭିନ୍ନ ଜନସଭାରେ ଏବଂ ରୋଡ଼ ସୋରେ ଯୋଗେଦେଇ ଦଳୀୟ  ପ୍ରାର୍ଥୀଙ୍କ ପାଇଁ ଭୋଟ ମାଗିବେ ।ସେହିପରି କେନ୍ଦ୍ରରେଳ
ମନ୍ତ୍ରୀ ଅଶ୍ବିନ ବୈଷ୍ଣବ ମଧ୍ୟ ଅପରାହ୍ନରେ ଭଦ୍ରକ ବାସୁଦେବପୁର ସହ ବାଲେଶ୍ବରରେ ସୋର
ବାହାନାଗାରେ ରୋଡ଼ ସୋ କରିବାର କାର୍ଯ୍ୟକ୍ରମ ରହିଛି । ସେହିପରି ଆସାମ ମୁଖ୍ୟମନ୍ତ୍ରୀ ହିମନ୍ତ
ବିଶ୍ବଶର୍ମା ମଧ୍ୟ ଭଦ୍ରକ , ଯାଜପୁର, 
କାନ୍ଦ୍ରାପଡ଼ା ଓ ଜଗତସିଂହପୁରର ବିଭିନ୍ନ ନିର୍ବାଚନ ସଭାରେ ଯୋଗଦେବାର କାର୍ଯ୍ୟକ୍ରମ
ରହିଛି ।