ଭୁବନେଶ୍ବରରେ ମେଗା ରୋଡ଼ ସୋ କଲେ ମୋଦୀ

ନିର୍ବାଚନୀ ପ୍ରଚାରରେ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
ଭୁବନେଶ୍ବରରେ  ମେଗା
ରୋଡ଼ ସୋ କରିଛନ୍ତି । ମାଷ୍ଟରକାଣ୍ଟିନ ଛକରୁ ଏହି ରୋଡ଼ ସୋ ବାଣୀବିହାର ପର୍ଯ୍ୟନ୍ତ
ଚାଲିଥିଲା । ମୋଦୀଙ୍କ ରୋଡ଼ ସୋ ପାଇଁ ରାଜ୍ୟ ବିଜେପି ତରଫରୁ ବ୍ୟବସ୍ଥା କରାଯାଇଛି ।
ମୋଦୀଙ୍କ କାରକେଡ଼ ଆଗରେ ବିଜେପିର ମହିଳା କର୍ମୀମାନେ ସ୍ବତନ୍ତ୍ର ବସ୍ତ୍ର ପରିଧାନ କରି ଆଗେ
ଆଗେ ଚାଲିଛନ୍ତି । ମୋଦୀ ଜିନ୍ଦାବାଦ ,
ବିଜେପି ଜିନ୍ଦାବାଦ ନାରାରେ କମ୍ପୁଥିଲା ରାଜଧାନୀ । ଭୁବନେଶ୍ୱରରେ ରୋଡ ଶୋ’
ସାରି ମେଣ୍ଟ ନେଇ ଜାତୀୟ ଗଣମାଧ୍ୟମରେ ସଫାସଫା ଶୁଣାଇ ଦେଇଛନ୍ତି ମୋଦି। ସେ କହିଛନ୍ତି, ଓଡିଶାରେ ବିପୁଳ
ସମର୍ଥନ ମିଳୁଛି। ପୂର୍ବରୁ ଓଡ଼ିଶାରେ ଏପରି ଜନ ସମାଗମ ଓ ଉତ୍ସାହ ଦେଖି ନ ଥିଲି। ରାଜ୍ୟରେ ଏକ
ବଡ଼ ଟର୍ଣ୍ଣିଂ ପଏଣ୍ଟ ଆସିବାକୁ ଯାଉଛି। ଓଡ଼ିଶାରେ ଆଗକୁ ପଦ୍ମ ଫୁଟିବାକୁ ଯାଉଛି। ସେହିପରି
ମେଣ୍ଟ ଆଲୋଚନା ନେଇ ସ୍ପଷ୍ଟ ମତ ରଖିଛନ୍ତି ମୋଦି। ସେ କହିଛନ୍ତି, ଆମେ ଦୁଇଟି ଅଲଗା
ଦଳ। ସଂସଦରେ ପ୍ରସଙ୍ଗ ଭିତ୍ତିକ ସମର୍ଥନ ମିଳିଛି। ବିଧାନସଭାରେ ଆମର ଲଢେଇ ଜାରି ରହିଛି। କାରଣ
ଓଡ଼ିଶାର ଅସ୍ମିତା ଏଠାରେ ବିପଦରେ ପଡିଛି। କିନ୍ତୁ ପଦ୍ମ ଫୁଟାଇବା ପାଇଁ ଆମେ ପ୍ରତିବଦ୍ଧ ବୋଲି
ମୋଦି କହିଛନ୍ତି।