ଗଂଜାମ: ନିର୍ବାଚନ ପ୍ରଚାର ଏଥର ସରଗରମ ହେବାରେ ଲାଗିଛି । ବିଶେଷ କରି ବିଜେପି ଓ ବିଜେଡି ମଧ୍ୟରେ ଚାଲିଛି ଟକ୍କର । ବିଜେପି ପାଣ୍ଡିଆନଙ୍କୁ ଆକ୍ରମଣ କରୁଥିବା ବେଳେ ପାଣ୍ଡିଆନ ମଧ୍ୟ ବିଜେପିକୁ ଆକ୍ରମଣ କରୁଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ବାଚନମଣ୍ଡଳୀ ହିଞ୍ଜିଳିରେ ଭିକେ ପାଣ୍ଡିଆନଙ୍କ ପ୍ରଚାର କରି ବିଜେପି ଉପରେ ବର୍ଷିଛନ୍ତି । ଜନସଭାକୁ ସମ୍ବୋଧିତ କରି ପାଣ୍ଡିଆନ ହିଞ୍ଜିଳି ପାଇଁ ହୋଇଥିବା ବିକାଶମୂଳକ କାମର ହିସାବ ଦେଇ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି । ହିଞ୍ଜିଳିରୁ ମୁଖ୍ୟମନ୍ତ୍ରୀ ସ୍କୁଲ ରୂପାନ୍ତରଣ କାମ ଆରମ୍ଭ କରିଥିଲେ । ହିଞ୍ଜିଳିର ରୂପାନ୍ତରଣ ମଡେଲ ପୂରା ରାଜ୍ୟରେ ଲାଗୁ ହୋଇଛି । ମନ୍ଦିର ରୂପାନ୍ତରଣ ମଧ୍ୟ ହିଞ୍ଜିଳିରୁ ଆରମ୍ଭ ହୋଇଥିଲା ବୋଲି କହିଛନ୍ତି ପାଣ୍ଡିଆନ ।୫ ବର୍ଷରେ ଥରେ ସୁଯୋଗ ଆସିଛି, ଏଥର ପୁଣିଥରେ ନବୀନ ପଟ୍ଟନାୟକଙ୍କୁ ଆଶୀର୍ବାଦ କରନ୍ତୁ । ବିଜେଡିର ପ୍ରାର୍ଥୀଙ୍କୁ ବିଜୟୀ କରିବାକୁ ଅପିଲ କରିଛନ୍ତି । ପାଣ୍ଡିଆନଙ୍କ ଭାଷଣରେ ଯେତିକି ନବୀନଙ୍କ ଗୁଣଗାନ କରୁଛନ୍ତି ଓଡ଼ିଶା ବିଜେପିକୁ ସେତିକି କଟାକ୍ଷ କରୁଛନ୍ତି ।
ପୁଣି ଏଥର ନବୀନ ଗଢ଼ିବେ ସରକାର: ପାଣ୍ଡିଆନ
