ଓଡ଼ିଶା 365 (ବ୍ୟୁରୋ) : ସ୍ୱାସ୍ଥ୍ୟ ପାଇଁ ଡ୍ରାଇଫ୍ରୁଟ୍ସ ଖୁବ୍ ଭଲ। ପ୍ରତିଦିନ ଏହାକୁ ଖାଇବା ଦ୍ୱାରା ମିଳିଥାଏ ଅନେକ ଫାଇଦା । ସେହି ଡ୍ରାଏଫ୍ରୁଟ୍ସ ମଧ୍ୟରେ କିସମିସ୍ ଅନ୍ୟତମ । କାହିଁକିନା କିସମିସରେ ରହିଛି ଅନେକ ପ୍ରକାରର ଆଣ୍ଟିଅକ୍ସିଡାଣ୍ଟ୍। କିସମିସ୍ ଖାଇବା ଦ୍ୱାରା ଅନେକ ପ୍ରକାରର ରୋଗ ଭଲ ହୋଇଥାଏ। କିସ୍ ମିସ୍ ଶୁଖିଲା ଖାଇବା ଠାରୁ ରାତିରେ ଭିଜାଇ ସକାଳେ ସେହି ପାଣି ପିଇବା ଅତ୍ୟନ୍ତ ଲାଭଦାୟକ ବୋଲି କୁହାଯାଏ। ଏହାସହ କିସମିସ୍ ପାଣି ସ୍ୱାସ୍ଥ୍ୟ ପାଇଁ ଅମୃତ ସ୍ୱରୂପ। ଆସନ୍ତୁ ଜାଣିବା କିସମିସ୍ ପାଣିର ଲାଭ ବିଷୟରେ । ରିପୋର୍ଟ ଅନୁଯାୟୀ କିସମିସ୍ ପାଣିରେ ଆଣ୍ଟିଅକ୍ସିଡାଣ୍ଟ ଭରପୂର ଥାଏ। ଏହା ଶରୀରର ମୁକ୍ତ ରେଡିକାଲରୁ ରକ୍ଷା କରିଥାଏ । ଏଥିରେ ଆଇରନ୍ ପ୍ରଚୁର ପରିମାଣରେ ଥିବାରୁ ଏହା ଶରୀରକୁ ଶକ୍ତି ଦେଇଥାଏ। କିସମିସ୍ ପାଣି ମଧୁମେହକୁ ନିୟନ୍ତ୍ରଣ କରିଥାଏ । ଏଥିରେ ଆଣ୍ଟିଅକ୍ସିଡାଣ୍ଟ ଥାଏ, ଯାହା ରକ୍ତରେ ଶର୍କରା ବଜାୟ ରଖିବାରେ ସହାୟକ ହୋଇପାରେ ।
କିସମିସ୍ ପାଣି ନିୟମିତ ପିଇଲେ ହଜମ ପ୍ରକ୍ରିୟା ମଜଭୁତ୍ ହୋଇଥାଏ । ଏହି ପାଣି ପେଟ ପାଇଁ ବହୁତ ଲାଭ ଦାୟକ। ଏହି ପାଣିରେ ଫାଇବରର ପରିମାଣ ଅଧିକ ଥିବାରୁ ଏହା ଖାଦ୍ୟକୁ ଭଲ ଭାବରେ ହଜମ କରିଥାଏ । କିସମିସ୍ ପାଣି ଗ୍ୟାସ୍ ସମସ୍ୟାକୁ ବି ଦୂର କରିଥାଏ। କିସମିସରେ ମିଳୁଥିବା ଅନେକ ପୋଷକ ତତ୍ତ୍ୱ ଏବଂ ଆଣ୍ଟି-ଅକ୍ସିଡାଣ୍ଟ ଶରୀରକୁ ଲାଭ ଦେଇଥାଏ । ଏହା ଛଡ଼ା କିସମିସ୍ ପାଣି ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ। ରାତିରେ କିସମିସକୁ ଗୋଟିଏ ପାତ୍ରରେ ଭିଜାଇ ଦିଅନ୍ତୁ। ପାଖା ପାଖି ୭ ଘଣ୍ଟା ପରେ ଏହି ପାଣିକୁ ଗରମ କରି ପିଇ ଦିଅନ୍ତୁ। ଏହି ପାଣିର ସେବନ ଆପଣ କେତେବେଲେ ବି କରିପାରିବେ। ମଧ୍ୟାହ୍ନ ଭୋଜନ ପୂର୍ବରୁ ଏହା ସେବନ କରିବା ଅତ୍ୟନ୍ତ ଲାଭ ଦାୟକ ।
