ଓଡ଼ିଶା 365 (ବ୍ୟୁରୋ): ଦିଲ୍ଲୀର ପୂର୍ବତନ ଡେପୁଟି ସିଏମ ମନୀଷ ସିସୋଦିଆ ତାଙ୍କ ଅସୁସ୍ଥ ପତ୍ନୀଙ୍କୁ ଭେଟିବାକୁ ଘରକୁ ଆସିଛନ୍ତି। କଡା ସୁରକ୍ଷା ମଧ୍ୟରେ ଦିଲ୍ଲୀ ପୋଲିସ ତାଙ୍କୁ ଘରକୁ ଆଣିଛି। ସିସୋଦିଆ ତାଙ୍କ ପତ୍ନୀଙ୍କୁ ସେହି ଘରେ ଭେଟୁଛନ୍ତି ଯାହା ବର୍ତ୍ତମାନ ଦିଲ୍ଲୀ ସରକାରଙ୍କ ଦ୍ୱାରା ଆତିଶିଙ୍କୁ ସରକାରୀ ଭାବେ ଆବଣ୍ଟିତ ହୋଇଛି। ଏହି ଗୃହ ପୂର୍ବରୁ ତତ୍କାଳୀନ ମନ୍ତ୍ରୀ ମନୀଷ ସିସୋଦିଆଙ୍କୁ ଦିଆଯାଇଥିଲା।
ଦିଲ୍ଲୀର ମଦ ଦୁର୍ନୀତିରେ ସିସୋଦିଆ ଜେଲରେ ଅଛନ୍ତି। ଗତକାଲି କୋର୍ଟ ତାଙ୍କୁ ତାଙ୍କ ପତ୍ନୀଙ୍କୁ ୬ ଘଣ୍ଟା ସାକ୍ଷାତ କରିବାକୁ ଅନୁମତି ଦେଇଥିଲେ, ଯାହା ଅନୁଯାୟୀ ସିସୋଦିଆ ତାଙ୍କ ପତ୍ନୀଙ୍କୁ ସକାଳ ୧୦ ଟାରୁ ୪ ଟା ପର୍ୟ୍ୟନ୍ତ ଭେଟିବେ ।
