ଓଡ଼ିଶା 365 (ବ୍ୟୁରୋ): ଦୀପାବଳିରେ ଫ୍ୟାନ୍ସମାନଙ୍କୁ ଉପହାର ଭେଟି ଦେବେ ବଲିଉଡ ଭାଇଜାନ ସଲମାନ ଖାନ୍ ଏବଂ ଟାଇଗର ୩ ଟିମ୍ । ଖୁବଶୀଘ୍ର ଦର୍ଶକମାନଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି । ଅର୍ଥାତ୍ ଆସନ୍ତା ୧୨ ତାରିଖ ଦୀପାବଳି ଦିନ ରିଲିଜ୍ ହେବାକୁ ଯାଉଛି ଟାଇଗର-ଥ୍ରୀ । ଏଥିରେ ସଲମାନ୍ ଖାନଙ୍କ ବ୍ୟତୀତ କ୍ୟାଟ୍ରିନା କୈଫ୍ ଏବଂ ଇମ୍ରାନ ହାଶମୀଙ୍କୁ ପ୍ରେକ୍ଷାଳୟରେ ଦେଖିବାକୁ ଫ୍ୟାନ୍ସମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଖବର ମୁତାବକ, ଏହି ଫିଲ୍ମ ଆଡଭାନ୍ସ ବୁକିଂରେ ରେକର୍ଡ ସୃଷ୍ଟି କରୁଛି । ଯାହାକୁ ଦେଖି ଫିଲ୍ମ ନିର୍ମାତା କହୁଛନ୍ତି ଯେ, ଫିଲ୍ମଟି ଭଲ ଆୟ କରିବ ।
ସେପଟେ ଫିଲ୍ମ ନିର୍ମାତାଙ୍କ ଷ୍ଟ୍ରାଟେଜି ହେଉଛି ଯେ ସେମାନେ ଏହି ଚଳଚ୍ଚିତ୍ରର ରିଲିଜ୍ ତାରିଖକୁ ଦୀପାବଳିର ଗୋଟିଏ ଦିନ ପୂର୍ବରୁ କିମ୍ବା ପରେ ସ୍ଥାନାନ୍ତର କରିନାହାଁନ୍ତି, କିନ୍ତୁ ଲକ୍ଷ୍ମୀ ପୂଜା ଦିନ ସେହି ଦିନ ଏହାକୁ ରିଲିଜ୍ କରୁଛନ୍ତି। ବର୍ତ୍ତମାନ ନିର୍ମାତାମାନେ ଏହା କାହିଁକି କରୁଛନ୍ତି, ସେମାନେ ଏହା ବିଷୟରେ ଖୋଲାଖୋଲି ଭାବେ ଦର୍ଶକଙ୍କ ସହିତ ସେୟାର କରିଛନ୍ତି । ୟଶ ରାଜ ଫିଲ୍ମ ଡିଷ୍ଟ୍ରିବ୍ୟୁଟର ରୋହନ ମଲହୋତ୍ରା ଗଣମାଧ୍ୟମରେ କହିଛନ୍ତି ଯେ, ସଲମାନ ଖାନଙ୍କ ଷ୍ଟାରଡମ ଉପରେ ଆମର ସମ୍ପୂର୍ଣ୍ଣ ବିଶ୍ୱାସ ଅଛି। ଲକ୍ଷ୍ମୀ ପୂଜା ଏପରି ଗୋଟିଏ ଦିନ ।ଯେଉଁଦିନ ଲୋକମାନେ ନିଜ ପରିବାର ସହିତ ଅଧିକାଂଶ ସମୟ ବିତାଇବାକୁ ପସନ୍ଦ କରିଥାନ୍ତି । ଗତ ୧୧ ବର୍ଷ ଧରି ଲକ୍ଷ୍ମୀ ପୂଜା ଦିନ କୌଣସି ଚଳଚ୍ଚିତ୍ର ନିର୍ମାତା କୌଣସି ଫିଲ୍ମ ରିଲିଜ୍ କରିନାହାଁନ୍ତି । ହେଲେ ଏହି ଚଳଚ୍ଚିତ୍ରର ଶୋକୁ ୨୪ ଘଣ୍ଟା ଧରି ଚଳାଇବାକୁ ଆମେ ଚିନ୍ତା କରିଛୁ । ଏହି ଫିଲ୍ମରେ ସଲ୍ମାନ ଖାନ୍, କ୍ୟାଟ୍ରିନା କେଫ୍, ଇମ୍ରାନ୍ ହାସମୀଙ୍କ ବ୍ୟତୀତ ରେବତୀ, ରିଦ୍ଧି ଡୋଗ୍ରା, ବିଶାଲ ଜେଟୱା, କୁମୁଦ ମିଶ୍ର, ରଣଭୀର ଶୌରୀଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ।
