ରାସ୍ତା ମଝିରେ ଓଲଟିଲା ଏଲପିଜି ଗ୍ୟାସ ଟ୍ୟାଙ୍କର, ରାସ୍ତା ସିଲ୍ କଲା ପୋଲିସ

ଓଡ଼ିଶା 365 (ବ୍ୟୁରୋ): ପାରାଦୀପଗଡ଼ ହାତୀ ଟାଙ୍କି ନିକଟରେ ରାସ୍ତା ମଝିରେ ଓଲଟିଲା ଗ୍ୟାସ ଟ୍ୟାଙ୍କର ।  ପାରାଦୀପ ଆଇଓସିଏଲରୁ ଗ୍ୟାସ ନେଇ ଟ୍ୟାଙ୍କରଟି ଝାରସୁଗୁଡ଼ା ଯାଉଥିବା ବେଳେ ହଠାତ୍ ଭାରସାମ୍ୟ ହରାଇ ଓଲଟିପଡ଼ିଛି । ଦୁର୍ଘଟଣାରେ ଗ୍ୟାସ୍ ଲିକ ହୋଇନଥିବା ବେଳେ ସତର୍କତାର ସହ ଉଠାଇବାକୁ ପ୍ରୟାସ ଆରମ୍ଭ ହୋଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ମଧ୍ୟ ଉପସ୍ଥିତ ରହିଛନ୍ତି । ତେବେ ସ୍ଥାନୀୟ ପୋଲିସ ପକ୍ଷରୁ ରାସ୍ତାକୁ ସିଲ୍ କରାଯାଇଛି। 

ଗୋଟିଏ ପାର୍ଶ୍ଵ ରେ ଯାନବାହାନ ଚଳାଚଳ କରୁଛନ୍ତି । ତେବେ ଏହି ଏଲପିଜି ଲୋଡ଼ ଥିବା ଟ୍ୟାଙ୍କଲର ଟି ଓଲଟି ପଡିବା ଘଟଣା ପ୍ରଚାରିତ ହେବା ପରେ ସ୍ଥାନୀୟ ଜନସାଧାରଣ ଭୟଭୀତ ହୋଇପଡିଛନ୍ତି।