ଓଡ଼ିଶା 365 (ବ୍ୟୁରୋ): ଯାଜପୁର ଜିଲ୍ଲା ସଦର ଥାନା ବରୁହାଁ ଛକ ନିକଟରେ ମର୍ମନ୍ତୁଦଃ ସଡ଼କ ଦୁର୍ଘଟଣା। ବାଇକକୁ ଧକ୍କାଦେଲା ତାଲ ଟ୍ୟାଙ୍କର୍। ଫଳରେ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବାବେଳେ ଜଣଙ୍କର ହସ୍ପିଟାଲରେ ମୃତ୍ୟୁ ହୋଇଛି। ଏହା ସହ ଜଣେ ଗର୍ଭବତୀ ଗୁରୁତର ହୋଇଛନ୍ତି। ମୃତକଙ୍କ ମଧ୍ୟରୁ ଜଣେ ଯୁବକ ଓ ଅନ୍ୟ ଜଣେ ବୃଦ୍ଧା ରହିଛନ୍ତି। ମୃତ ଯୁବକଙ୍କ ନାଁ ସୁଦର୍ଶନ ବେହେରା। ସେହିପରି ଆହତ ଗର୍ଭବତୀଙ୍କ ନାଁ ପୂର୍ଣ୍ଣିମା ବେହେରା ବୋଲି ଜଣାପଡ଼ିଛି।
ସୂଚନା ଅନୁଯାୟୀ, ବିରୁହଁ ଗ୍ରାମର ଗୁରୁବାର ସୁଦର୍ଶନ ବେହେରା, ତାଙ୍କ ପତ୍ନୀ ପୂର୍ଣ୍ଣିମା ବେହେରା ଏବଂ ମାଆ ବକଟି ବେହେରା ଏକ ବାଇକ୍ରେ ଯାଉଥିବା ସମୟରେ ବରୁହାଁ ଛକ ନିକଟରେ ଏକ ଟ୍ୟାଙ୍କର ବାଇକ୍କୁ ଧକ୍କା ଦେଇଥିଲା। ଏଥିରେ ଦୁର୍ଘଟଣାସ୍ଥଳରେ ସୁଦର୍ଶନଙ୍କ ମାଆଙ୍କର ମୃତ୍ୟୁ ହୋଇଥିବାବେଳେ ହସ୍ପିଟାଲରେ ସୁଦର୍ଶନଙ୍କ ମୃତ୍ୟୁ ହୋଇଥିଲା। ତେବେ ପୋଲିସ ଘଟଣାସ୍ଥଳରେ ପହଁଚି ମାମଲାର ତଦନ୍ତ କରୁଛି।
