ଓଡ଼ିଶା 365 (ବ୍ୟୁରୋ): ମାଲକାନଗିରି ଜିଲ୍ଲା ମାଥିଲି ଥାନା ଟେମୁରପାଲି ପଞ୍ଚାୟତ କିରମିଟ ଏବଂ ତୁଳସୀ ଗାଁରେ ସର୍ଚ୍ଚ ଅପରେସନ୍ ବେଳେ ପୋଲିସକୁ ମିଳିଛି ବଡ଼ ସଫଳତା। ଆଉ ପଣ୍ଡ ହୋଇଛି ବଡ଼ ଧରଣର ମାଓ ଯୋଜନା । ଯବାନଙ୍କ କୁମ୍ବିଂ ଅପରେସନ ବେଳେ ପଥର ଗୁମ୍ଫାରେ ମାଓବାଦୀ ଡ଼ମ୍ପିଙ୍ଗ କରିଥିବା ସନ୍ଧାନ ମିଳିଥିଲା। ଡମ୍ପରୁ ମାଓବାଦୀଙ୍କ ବିପୁଳ ପରିମାଣର ମାଓ ସାମଗ୍ରୀ ଉଦ୍ଧାର କରିଛନ୍ତି ଯବାନ।
ଖବର ଅନୁଯାୟୀ, ମାଥିଲି ଥାନା ଟେମୁରାପାଲି ପଞ୍ଚାୟତ କିରମିଟ ଓ ତୁଳସୀ ଗାଁ ଜଙ୍ଗଲ ନିକଟରେ ସର୍ଚ୍ଚ ଅପରେସନ ବେଳେ ଏକ ଗଛ ପାଖରେ ଥିବା ପଥର ଖୋଲରୁ ମାଓ ସାମଗ୍ରୀ ଜବତ କରିଛନ୍ତି ଯବାନ। ଜବତ ହୋଇଥିବା ସାମଗ୍ରୀ ମଧ୍ୟରେ ଆଲୁମିନିୟମ ଡ୍ରମ , ଏକ ଓ୍ବେରଲେସ ଓ ବ୍ୟାଟେରୀ , ହାତ ବୋମା , ଆଣ୍ଟିନା , ୪ ଟି ୧୨ ବୋର୍ ବନ୍ଧୁକ , ପ୍ଲାଷ୍ଟିକ ଜରି , ବ୍ୟାଗ ଏବଂ ୮୨ ଟି ମାଓ ପୁସ୍ତିକା ଆଦି ରହିଛି ରହିଛି ।
