ନୀତୀଶ କୁମାରଙ୍କ ମନ୍ତବ୍ୟକୁ ଘୋର ନିନ୍ଦା କଲେ ଆମେରିକାର ଏହି ଗାୟିକା

ଓଡ଼ିଶା 365 (ବ୍ୟୁରୋ): ବିହାର ବିଧାନସଭାରେ ନୀତିଶ କୁମାରଙ୍କ ବିବାଦୀୟ ମନ୍ତବ୍ୟକୁ ନେଇ ସାରା ଦେଶରେ ନିନ୍ଦା କରୁଛନ୍ତି ବୁଦ୍ଧିଜୀବୀ, କଳାକାର ଓ ରାଜନେତା । କେବଳ ଦେଶ ନୁହେଁ ଦେଶ ବାହାରେ ବିଦେଶରେ ମଧ୍ୟ ଏହାକୁ ଘୋର ନିନ୍ଦା କରାଗଲାଣି । ଆଫ୍ରିକା-ଆମେରିକା ଅଭିନେତ୍ରୀ ମ୍ୟାରି ମିଲବେନ ମଧ୍ୟ ନୀତୀଶଙ୍କୁ ଟାର୍ଗେଟ କରିଛନ୍ତି।

ସେ କହିଛନ୍ତି, ଯଦି ସେ ଭାରତର ନାଗରିକ ହୋଇଥାନ୍ତେ ତେବେ ସେ ନୀତୀଶଙ୍କ ବିରୋଧରେ ମୁଖ୍ୟମନ୍ତ୍ରୀ ନିର୍ବାଚନ ଲଢିବା ପାଇଁ ବିହାର ଆସିଥାନ୍ତେ। ମିଲବେନ ବିହାର ମହିଳାଙ୍କୁ ନୀତୀଶ କୁମାରଙ୍କ ବିରୋଧରେ ସ୍ବର ଉତ୍ତୋଳନ କରିବା ପାଇଁ ଆହ୍ବନ ଦେଇଛନ୍ତି। ଏକ କାର୍ୟ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଦ ଛୁଇଁ ମିଲବେନ ଚର୍ଚ୍ଚାକୁ ଆସିଥିଲେ। ବିହାରର ଯେ କେହି ବି ମହିଳା ନୀତୀଶଙ୍କ ବିପକ୍ଷରେ ନିର୍ବାଚନ ପାଇଁ ନେତୃତ୍ୱ ଦେବାକୁ ମିଲବେନ ଭାଜପାକୁ ଦାବି କରିଛନ୍ତି।