ତୁର୍କିରେ ବ୍ୟାନ୍ ହେଲା କୋକାକୋଲା ଓ ନେଷ୍ଟଲେ

ଓଡ଼ିଶା 365 (ବ୍ୟୁରୋ): ଇସ୍ରାଏଲ୍-ହମାସ୍ ଯୁଦ୍ଧ ମଧ୍ୟରେ ତୁର୍କୀ ସଂସଦ ଏକ ବଡ଼ ପଦକ୍ଷେପ ନେଇଛନ୍ତି । ତୁର୍କିରେ ରେଷ୍ଟୁରାଣ୍ଟରୁ ଏହିପରି ଅନେକ ଉତ୍ପାଦର ବ୍ୟବହାରକୁ ବ୍ୟାନ୍ କରାଯାଇଛି । ତୁର୍କୀ ସଂସଦର ବାଚସ୍ପତି ନୋମାନ କୁର୍ତ୍ତୁଲମସ କହିଛନ୍ତି ଯେ ସଂସଦ ଇସ୍ରାଏଲର ଆକ୍ରୋଶକୁ ସମର୍ଥନ କରୁଥିବା ଉତ୍ପାଦ ବ୍ୟବହାର କରିବ ନାହିଁ। ତୁର୍କୀର ଏକ କାର୍ୟ୍ୟକ୍ରମରେ ସେ କହିଛନ୍ତି ଯେ ତୁର୍କୀ ଗ୍ରାଣ୍ଡ ନ୍ୟାସନାଲ ଆସେମ୍ବଲିରେ ଆମେ ଇସ୍ରାଏଲର ଆକ୍ରୋଶକୁ ସମର୍ଥନ କରୁଥିବା କମ୍ପାନୀଗୁଡିକର କୌଣସି ଉତ୍ପାଦ ବ୍ୟବହାର କରିବୁ ନାହିଁ।

ଟିଆରଟି ନ୍ୟୁଜ୍ ଅନୁଯାୟୀ, ନୋମାନ କୁର୍ତ୍ତୁଲମସ୍ କହିଛନ୍ତି ଯେ ବର୍ତ୍ତମାନଠାରୁ ଆମେ ସେହି କମ୍ପାନୀଗୁଡିକରୁ କିଛି କିଣିବୁ ନାହିଁ ଏବଂ ଯାହା କିଣିଛୁ ତାହା ଫିଙ୍ଗିଦେବୁ। ତେବେ ସଂସଦ ରେଷ୍ଟୁରାଣ୍ଟରୁ କେଉଁ କମ୍ପାନୀର ଉତ୍ପାଦ ଉପରେ ପ୍ରତିବନ୍ଧକ ଲଗାଯାଇଛି ସେନେଇ ନୋମାନ ସୂଚନା ଦେଇନାହାଁନ୍ତି। ରଏଟର୍ସ ଅନୁଯାୟୀ ତୁର୍କୀ ସଂସଦ କୋକାକୋଲା ଏବଂ ନେଷ୍ଟଲର ଉତ୍ପାଦକୁ ବୈକଟ କରିଛି। ସମ୍ବାଦ ଏଜେନ୍ସି ସୂତ୍ରରୁ ପ୍ରକାଶ ଯେ ସଂସଦ ରେଷ୍ଟୁରାଣ୍ଟର ମେନୁରୁ କୋକାକୋଲା ଏବଂ ନେଷ୍ଟଲେଙ୍କୁ ହଟାଇ ଦିଆଯାଇଛି।